Pêkhateya Çerkes ji bo vekirina yekemîn komeleya xwe bi dirûşma ‘Xêrxwazî, aborî, civakî’ di roja salvegera duyemîn a rizgarkirina bajarê Minbicê de, amadekariyan dike.
Meclisa Leşkerî ya Minbicê bi piştgiriya QSD’ê û Koalîsyona Navdewletî di 12’ê Tebaxa 2016’an de Minbic ji çeteyên DAIŞ’ê rizgar kir. Lê roja 15’ê Tebaxa 2016’an rizgarkirin hate ragihandin.
Bi boneya salvegera duyemîn a rizgarkirinê, pêkhateya Çerkes cara yekem Komeleya Çerkasan vedike.
Girêdayî mijarê Endama Rêveber a Komeleyê Neciyê Qirtawî wiha got: “Armanca komeleyê ew e ku ciwan û nifşên nû fêrî kevneşopên Çerkesan bibin da ku ji holê ranebin. Pêkhateya Çerkes di nav bajêr de bi rêxistin bike û alîkariya xizanan bike.”
Her wiha li gel fêrkirina kevneşopan û xwarinên Çerkesan ên gelêrî, welatiyên pêkhateya Çerkes û bi taybet ciwan wê tev li dewreyên govend û stranên Çerkesî bibin.
Qirtawî tekez kir ku komele di salvegera duyemîn a rizgarkirina Minbicê de wê were vekirin.
Endamên Komeleya Tirkmenan li bajarê Minbicê ji bo tev li şahiya salvegera duyemîn a rizgarkirina Minbicê bibin, amadekariyan dikin…ANHA
Komeleya Çerkesan tê vekirin
