Komîteya Xizmetguzariyê ya girêdayî Şaredariya Gel a Reqayê xebatên xwe yên sererastkirin û vekirina rê û kolanên bajêr berdewam dike.
Komîteya Xizmetguzariyê ya girêdayî Şaredariya Gel a bajarê Reqayê xebatên xwe yên sererastkirin û vekirina rê û kolanên bajêr ku di demên borî de ji ber rewşa şer têk çûne, berdewam dike.
Komîteyê alav û amûrên qîrkirina rê û kolanan peyda kirin û dest bi xebatên xwe kir. Xebatên sererastkirina rêyan li aliyê rojhilatê bajêr dest pê kir, bi taybetî ev rê li ba welatiyan xwedî girîngiyeke mezin e û bi rêya sereke ya bajarê Helebê ve tê girêdan.
Şaredariyê xebatên xwe ji kolana Bab Bexdad ber bi çerxerêya El-Delê ya navenda bajêr ve dest pê kir.
Çavdêrê projeyê endezyar Mihemed El-Elî girêdayî mijarê wiha got: “Xebatên me heta sererastkirina hemû rê û kolanên bajêr wê berdewam bikin û hemû astengiyên hatinûçûnê wê bêne çareserkirin.”
Piştî ku bajar ji destê çeteyên DAIŞ’ê hate rizgarkirin, ji wê demê ve Meclisa Sivîl a Reqayê bê navber kar û xebatanên xwe didomîne…ANHA
Xebatên sererastkirina rêyên Reqayê didome
