Muduriyeta Ekolojiyê ya Qamişlo bi dirûşma “Dest bi dest em ê bajarê xwe paqij bikin” dest bi pêngava paqijiyê û rakirina sergoyê ji tax û kolanên sereke yên navçeya Xerbî ya bajêr kir.
Di demên dawîn de ji ber kêmbûna alavên paqijiyê û ji ber ku şaredarî erka xwe baş pêk naynin, her wiha welatî jî li paqijiya derdor miqate nabin, li gelek bajar û herêmên Rojava-Bakurê Sûriyê sergo (çop) li kolanan belav bû. Ji ber vê yekê gelek pêkhateyên bajar nerazî bûn. Ji ber kombûna sergoyê nexweşî zêde dibin û bêhnên nexweş belav dibin.
Ji ber vê yekê pêkhateyan bang li şaredariyên gel kir ku bi awayekî lezgîn sergoyê ji kolanan rakin. Ji ber vê yekê Buroya Ekolojiyê ya şaredariyan dest bi hemleyeke berfireh ji bo paqijî û rakirina çopê ji tax û kolanên navçeya Xerbî ya bajarê Qamişlo (Taxa Xerbî, Kornîş, Siyahî û Hilêliyê) kir.
Sazî, meclisên xizmetguzarî û sivîl ên herêma Cizîrê, xebatkarên paqijiyê û hevserokên şaredariyên Qamişloyê tev li hemleya paqijiyê bûn. Ji bo paqijkirina kolan û taxan kom hatin avakirin. Her komek li taxekê belav bû. Çop hatin rakirin û broşûrên ji bo paqijiyê û paqijkirina bajêr hatin belavkirin.
Di vê çarçoveyê de hevseroka Şaredariya Taxa Xerbî ya bajarê Qamişlo Mûna Farûq bang Ii hemû şêniyan kir ku alîkariya şaredariyê bikin û bajarê xwe paqij bikin…ANHA
Li Qamişlo pêngava paqijiyê hat destpêkirin
