Navenda Ragihandin û Çapemeniyê ya HPG’ê têkildarî çalakiyên gerîla yên li Colemêrgê agahî da. HPG’ê diyar kir ku li Şemzînan û Çelê yên Colemêrgê 8 leşker hatine kuştin.
Navenda Ragihandin û Çapemeniyê ya HPG’ê têkildarî çalakiyên gerîla yên li Colemêrgê daxuyayeniyek nivîskî weşand. HPG’ê ragihand ku li Colemêrgê 8 leşkerên Tirk hatin e kuştin. HPG’ê diyar kir ku li Wan û Geverê 4 gerîla şehîd bûne.
HPG’ê ev agahî parve kir;
“Hêzên me di çarçoveya Pêngava Şoreşgerî ya Şehîd Pîroz û Şehîd Agirî de li Colemêrgê li dijî artêşa TC’ê ya dagirker rêze çalakî lidarxistin. Agahiyên berfireh yên çalakiyan wiha ne;
Roja 9’ê Tebaxê seat 09:15’an de hêzên me li dijî qereqola Sunê ya herêma Rûbarok ya Şemzînanê çalakiyek li dar xist. Di çalakiyê de leşkerek hate kuştin.
Heman rojê seat 11:00’an hêzên me li girê Koordîne yê navçeya Çelê li dijî artêşa TC’ê ya dagirker çalakiyek li dar xist. Bi serketî li çeper û baregehên dijmin hate xistin û 7 leşker hatin kuştin.
Şeva 8’ê Tebaxê artêşa TC’ê ya dagirker li herêma gundê Meskan yê navçeya Gever a Colemêrgê operasyonek da destpêkirin. Sibeha 9’ê Tebaxê di navbera yekîneyeke ya me dema ku li ser erka xwe bûn û hêzên dagirker de şerekî giran derket. Di vî şerî de rêhevalên me Reşîd û Rizgar derbên giran li dijmin xist û heta fîşeka xwe ya dawî bi qehremantî şer kirin û şehîd bûn.
Piştî çalakiyê artêşa TC’ê ya dagirker li herêmê operasyonek da destpêkirin. Di navbera hêzên me û dijminê ku teknîka giran bikartîne şerekî giran derket. Di vî şerî de rêhevalên me Cemîl û Çiyager li dijî dijmin bi fedaî şer kirin û şehîd bûn.”
Posta çûyî