Piraniya ajokarên Qamişlo ji ber hevnegirtina nirxê parçeyên guhertina wesayîtan û buhayê çêkirina wan bi gazinc in.
Buhayê parçeyên guhertina erebeyan di nav dikanên Herêma Pîşesaziyê de cuda ne. Her çiqas Meclisa Pîşesaziyê nirxê buhayan diyar kiribûn jî di nav bêçavdêriyê de, her firoşkarek bi awayekî keyfî parçeyan difiroşe.
Xwediyên wesayîtan li Qamişlo ji ber vê pirsgirêkê beriya çend mehan ve bi gazinc in û bang li aliyên têkildar dikin ku bi lez li ser vê mijarê rawestin û rê li ber bigirin.
Ajokarê erebeya barkirinê yê bi navê Ehmed Elî yê ji Qamişlo diyar kir ku her xwediyê dikanekê li gorî kêfa xwe parçeyan difiroşe. Nirxê hin dikanan guncaw in lê hinek din jî pir buha ne û got: Dema erebeya min xirab dibe, ez ji ber nedabînkirina buhayê parçeyan û karkeran, ditirsim ku biçim herêma pîşesaziyê.”
Welatiyê bi navê Mihemed El-Erûd ê ji navçeya Çilaxa ye, xwediyê erebeya veguhestinê ye û li ser riya Qamişlo-Dêrîkê dixebite. El-Erûd diyar kir ku xwediyên dikanên pîşesaziyê li Qamişlo bi nirxa parçeyên guhertinê dilîzin. Ew li hember her parçeyekê du qat pere gezenc dikin û got: “Hin caran ji bo peydakirina nirxa parçeyekê xirab bûye, çend rojan dixebitim.”
Serokê Meclisa Pîşesaziyê yê bajarê Qamişlo Mihemed Sadîq destnîşan kir ku meclis li ser dikanên pîşesaziyê geriya û got: “Eger ajokarek gilî bike û nirxê ne li gorî lîsteyê be, meclis hesab ji xwediyê dikanê dixwaze.”
Sadîq bang li ajokaran kir ku kesên vê yekê dikin li meclisê gilî bikin û got: “Tenê bi vê rêyê, rê li ber kesên ku dixwazin bi buhayê parçeyan bilîzin, wê were girtin.”…ANHA
Li pîşesaziyê çavdêrî tune ye
