Endamê Desteya Siyasî ya MSD’ê Hesen Mihemed Elî diyar kir ku armanca wan ji avakirina komîteyên ku di civîna wan a li gel rêjîmê de lihevkirin li ser pêk hat, ji bo berdewama hevdîtinan û têkiliyên di navbera her du aliyan de ye.
Meclisa Sûriya Demoratîk MSD’ê nûnerê sereke ya hêzên siyasî û leşkerî li Bakurê Sûriyê ye. Ji ber vê yekê û li ser xwesteka rêjîma Sûriyê beriya demekê civînek di navbera MSD`ê û rêjîma Sûriyê de li paytexa Sûriyê Şamê hate lidarxistin. Di civînê de lihevkirin li ser avakirina komîteyên di navbera her du aliyan de ji bo berdewamkirina hevdîtinan û şopandina di navbera her du aliyan de, pêk hat.
Endamê Desteya Siyasî ya MSD’ê Hesen Mihemed Elî diyar kir ku komîte wê ji bo şopandina karûbarên rêveberiya herêmê û ji bo çareserkirina aloziya Sûriyê werin avakirin.
Hesen Mihemed Elî destnîşan kir ku di civîna wan li gel rêjîma Sûriyê de li ser avakirina komîteyên taybet ji bo şopandina karûbarên Rêveberiya Xweseriya Demokratîk û rêveberiyên herêmî yên Bakurê Sûriyê lihevkirin pêk hat.
Mihemed Elî diyar kir ku armanca wan ji avakirina komîteyan ew e ku têkiliyên di navbera her du aliyan û nûnerên Bakurê Sûriyê û rêjîma Sûriyê de bidomin. Mihemed Elî diyar kir ku heta niha nav û karê gelek komîteyan nehatiye diyarkirin û wekî ku hatiye payîn wê di nava demên bê de werin diyarkirin.
Endamê Desteya Siyasî ya Meclisa Sûriya Demokratîk Hesen Mihmed Elî destnîşan kir ku wê di pêngava pêş de komîte û karên wan werin diyarkirin da ku aloziya Sûriyê bi dawî bibe…ANHA
Avakirina komîteyan ji bo berdewama têkiliyan e
