Îbrahîm Elîzade diyar kir ku ew aliyên ku qala destwerdana li ser Îranê ya ji aliyê Emarîka ve dikin, şaş in û got: “Ji ber ku baweriya wan bi gel nîne, bawer nakin ku bi xebata gel encam wê bê girtin.”
Sekreterê Rêxistina Kurdistanî ya Hizbî Komunîst a Îranê (Komele) Îbrahîm Elîzade pêşketinên li Îran, Rojhilatê Kurdistanê nirxand.
Îbrahim Elîzade di nirxandinên xwe de bal kişand ser van xisûsan:
Divê qonaxê de muxalefeta Îran û Kurdan ji hemû deman zêdetir ketine nav tevgerê. Her aliyek hewl dide li gorî nêrînên xwe alternatîfek piştî ruxîna rejîmê bi cih bike. Ev tevgerên ku niha hene li gel yên berê cuda ne. Hemû çav li ser desthilatê ne. Lê ya diyar ew e ku kîjan bêhtir alternatîfe û şansê wan zêdetire. Eger hemû alî partî ji bo rejîmê bibin alternatîfek tiştek ne aqlane ye. Li hember bûyeran nikare bibin bersîv. Lê li gorî me tenê alternatîfek radîkal, mirovî, sosyalîstî û karkerî dikare ji bo daxwazên gel bibe bersîv..
Ew aliyên ku qala destwerdana Amarîka li ser Îranê dikin şaş in. Ji ber ku baweriya wan bi gel nîne. Bawer nakin ku bi xebata gel bi encam bibe. Em wek Komele li dijî destwerdê ne. Ji ber ku tenê eger guhertinek di xizmeta gel de be, divê di nav Îranê de pêk were.
Elîzade li ser nexşerêya KODAR’ê jî wiha got, “Rast e, projeyekî yek alî û sazî ye. Di nexşerêyê de hinek xwestek û daxwazên gel hatine bicihkirin ku di cih deye. Lê ya ji bo me cihê rexneyê ye, di nexşerêyê de xebatên ku ji bo rûxandina Komara Îslamî hene, ji bo hilweşandinê têrê nakin. Ew qonax temam bûye. Em di nexşerêyê de li ser wê xalê nakok in. Lê li gel rexne kirinê ji ev bandor li peywendiyên me li gel KODAR û PJAK’ê nake.
Divê pirsgirêka Îranê bi têkoşîna gel çareser bibe
