Cîgirê hevserokê Meclisa Şedadê Yasir Ebas diyar kir ku tecrîda li ser Rêberê Gelê Kurd Abdullah Ocalan hemû maf û pîvanên navneteweyî binpê dike. Ebas destnîşan kir ku armanca dewleta tirk a dagirker ji tecrîda li ser Rêberê Gelê Kurd Abdullah Ocalan, naxwaze felsefeya wî li Rojhilata Navîn belav bibe.
Li dijî tecrîda li ser Rêberê Gelê Kurd Abdullah Ocalan û kiryarên artêşa tirk a dagirker ên dijmirovî cîgirê hevserokê Meclisa Şedadê ya girêdayî Hesekê Yasir Ebas axivî û tecrîd û kiryarên artêşa tirk a dagirker şermezar kir.
Ebas destnîşan kir ku ew wek gelê Ereb tecrîda li ser Rêberê Gelê Kurd Abdullah Ocalan şermezar dikin û da zanîn ku tecrîda li ser Ocalan tecrîda li ser hemû gelan e. Ebas wiha got, “Rêberê Gelê Kurd Abdullah Ocalan banga azadî û rizgarkirina gelên bindest dike, dewleta tirk a dagirker tecîrîdê li ser wî pêk tîne.”
Ebas derbarê bêdengiya hêzên navnetewî ya li hember tecrîdê û got, “bêdengiya wan tê wateya hevkariya wan.”
Ebas, wiha dewam kir, “Ji ber ku Ocalan li ser bingeha netewa demokratîk azadiya hemû gelan dixwaze lewra jî dagirker ji bo armancên xwe xetere dibînin.”
Ebas destnîşan kir ku armanca dewleta tirk ji tecrîda li ser Rêberê Gelê Kurd Abdullah Ocalan ew e ku felsefeya wî li Rojhilata Navîn belav nebe û got, “ji ber ku Tirkiye vê yekê li ser xwe wek xetere dibîne. Rêberê Gelê Kurd Abdullah Ocalan ji bo azadiya jinan, gelên bindest û yekitiya hemû gelan di bin sîwana neteweya demokratîk de gelek têkoşîn kir û banga wekhevî û yekitiyê di navbera hemû gelên herêmê de kir.”
Cîgirê hevserokê Meclisa Şedadê Yasir Ebas di dawiya axaftina xwe de destnîşan kir ku kiryarên hovane yên dewleta tirk a dagirker li ser Rêberê Gelê Kurd Abdullah Ocalan hemû pîvanên navnetewî binpê dike û bang li hemû rêxistinên mirovî kir ku ji bo azadkirina Rêberê Gelê Kurd Abdullah Ocalan di zûtirîn dem de bikevin nava hewldanan.”…ANHA
Tecrîd li dijî pîvanên navnetewî ye
