Desteya Rêveber a Şengalê, civîna xwe ya asayî lidar xist. Di civînê de bi minaseta 14 û 15’ê Tebaxê ku salvegera komkujiyên gundê Koço, Sîba Şêxidir û Til Izêr in, bernameya çalakiyan hat derxistin. Desteyê her wiha ji bo ji nûve avakirina cihên pîroz û xizmetguzariyê jî komîte ava kirin.
Desteya Rêveber a Şengalê bi minaseta 14 û 15’ê Tebaxê ku salvegera komkujiyên gundê Koço, Sîba Şêxidir û Til Izêr in, bernameya çalakiyan derxist. Desteyê her wiha ji bo ji nûve avakirina cihên pîroz û xizmetguzariyê jî komîte ava kirin.
Desteya Rêveber a Şengalê ku rêveberiya herî jor a Şengalêye, civîna xwe ya asayî lidar xist. Di civîna ku nûnerên meclîs û saziyan jî tevlî bûn de, xebatên li herêmê hatine meşandin hatin nirxandin û plansaziya dema pêş hat derxistin.
Di civînê de bi minasebeta salvegera komkujiya gundê Koço (15 Tebax) û komkujiyên gundên Sîba Şêxidir û Til Izêr (14 Tebax) bernameya bîranîn û çalakiyan hat derxistin.
Li gorî vê yekê wê Meclîsa Rêveberiya Xweseriya Demokratîk serdana gundê Koço bike û daxuyanî bide. Her wiha wê bang li hêzên navnetewî bê kirin ku gundên Êzidiyan ji mayinan bên paqijkirin da ku welatî karibin vegerin gundên xwe. Tê plankirina ku li Şengalê jî daxuyanî bên dayîn.
Di civînê de bi armanca ji nûve avakirina cihên pîroz ên Êzidiyan (qube) ku ji aliyê DAIŞ’ê ve hatine hilweşandin, komîteyek hat avakirin.
Her wiha ji bo çareserkirina pirsgirêkên xizmetguzarî yên wekî rê, kehrebe û avê ya gundê Digurê jî komîteyek hat avakirin.