Serokwezîrê Rûsyayê Dîmîtrî Medvedev li ser zextên aborî yên Washîngtonê yên li ser Moskowê got, “Ragihandina şerê aborî ye’’.
Rêveberiya DYA’yê têkildarî jehrdana sîxûrekî Rûs ê berê ya li Qraltiya Yekbûyî Pêncşemê zextên aborî yê nû yên li ser Rûsyayê ragihandin. Qesra Spî her wiha hişyarî da û got siberojê dibe ku zextên aborî yên pêla şeşan jî pêk bînin.
Li gorî ajansa nûçeyan a înterfaxê Medvedev derbarê zextên aborî de got, ‘’Heke xebatên banqeyekê an jî qedexekirina pereyekî hebe, mirov eşkere bibêje ev şerê aborî ye.’’
Medvedev wiha got, ‘’Bi teqezî divê mirov bersivê bide vî şerî. Bi rêyên aborî, siyasî û rêyên din.” Serokwezîrê Rûs got, “Divê dostên me yên Amerîkî bi vê zanibin.”
Qesr Kremlînê li ser zextên li ser berhemên teknolojik jî gotibû, ‘’Nayê qebûlkirin’’ , “ne dostane ye” û “îllegal e.”
Rêveberiya Serokê Amerîkayê Trûmp sinyal da ku wê pêleke nû ya zextan were û wê nehêlin ku şîrketên rêya hewayê ya Rûs li balefirgehên DYA’yê xwe deynin û têkiliyên dîplomatîk ên du welatan dibe ku werin sekinandin.
DYA’yê şerê aborî da destpêkirin
