Parêzerên kantona Kobanê bi daxuyaniyekê tecrîda dewleta tirk a li ser Rêberê Gelê Kurd Abdullah Ocalan bi tundî şermezar kirin. Di daxuyaniyê de hat diyar kirin ku dewleta Tirk destûrê nade parêzer û malbatê da ku biçin Îmraliyê û ev yek jî li dijî hemû qanûnên mafên mirovan yên navnetewî ye. Parêzeran bang li rêxistinên mafên mirovan kirin ku di vê mijarê de berpirsyariyên xwe bi cih bînin.
Parêzerên kantona Kobanê bi daxuyaniyekê tecrîda dewleta tirk a li ser Rêberê Gelê Kurd Abdullah Ocalan bi tundî şermezar kirin.
Di çarçoveya helwestên li dijî tecrîda girankirî ya li ser rêberê Gelê Kurd Abdullah Ocalan sendîkaya parêzeran a kantona Kobanê daxuyaniyek da û tecrîda li ser Ocalan şermezar kir.
Daxuyanî ji aliyê hevserokê sendîkayê Mihemed Etî ve li pêşiya avahiya sendîkayê hate xwendin. Di daxuyaniya ku bi dehan parêzer amade bûn de wiha hate gotin: “Em destdirêjiyên derexlaqî yên dewleta tirk li ser Rêberê Gelê Kurd Abdullah Ocalan bi tundî şermezar dikin. Rêgirtina dewleta tirk li pêşiya serdana parêzeran û malbatê dijî qanûn û pîvanan e. Bi taybet serdana parêzeran jî bi armanca temamkirina projeya aştiyê ye ku Rêberê Gelê Kurd Abdullah Ocalan pêşkêş kiriye.
Hikumeta Tirkiyê bi van kirinên xwe û destdirêjiyên li dijî gelê kurd û rêberê wî hemû qanûn û pîvanên navneteweyî yên girêdayî mafên mirovan binpê dike. Em bang li hemû deste û rêxistinên mafên mirovan dikin ku bi berpirsyariyên xwe yên mirovî rabin û zextê li hikumeta Tirkiyê bikin da ku Rêber Ocalan were azadkirin.
Li hemberî vê yekê hikumeta AKP’ê tecrîda li ser Rêber Ocalan hişktir dike û ji mafên wî yên herî xwezayî bê par dihêle. Armanca Tirkiyê ew e ku gelê kurd ji Rêber Ocalan dûr bixe û vîna azad a gel bişikîne.”
