Şêniyên Efrînê yên ku ji ber dagirkeriya dewleta Tirk neçar man ji malên xwe derkevin û Şehbayê bi cih bibin, niha hilberîna sebzeyên ku çandibûn kirin. Çandiniya ku kirin 30 malbat pê debara xwe dikin.
Welatiyên Efrînê bi çavdêriya Tevgera Civaka Demokratîk, dest bi çandina sebze û fêkiyan kirin. Li ser erdekeî bi firehiya 60 hektar sebzeyên havînê weke bacanên reş, zebeş, petîx, îsot, kundir, bamî, bacanên sor û hwd, çandin.
Niha welatî berhemên xwe berhev dikin. Zêdetirî 30 kes di xebatên berhevkirinê de kar dikin.
Hilberîn rojane bi rêya komînan li ser şêniyên Efrînê li gund û deverên Şehbayê tê belav kirin û li kampên Berxwedan û Serdemê jî tê belavkirin.
Têkildarî mijarê, welatiyê bi navê Zekî Necar yek ji karkerên projeya çandiniyê ye, diyar kir ku wan bi derfetên xwe zeviyên çandiniyê peyda kirin, ji bermahiyên DAIŞ’ê paqij kirin û bi alavên çandiniyê yên heyî jinûve bi sebze û fêkiyan çandin.
Zekî diyar kir ku ew niha ji bo çandina sebze û fêkiyên zivistanê wê bixebitin…ANHA
Welatiyên Efrînê bê hilberîn namînin
