Li Akademiya Şehîd Şîlan a girêdayî Rêxistina Kongreya Star a bajarê Kobanê dewreya yekemîn a bi navê “Şehîdên Komkujiya 25‘ê Hezîranê” ku 27 jin tev li bibûn bi dawî bû.
Akademiya Şehîd Şîlan a girêdayî Rêxistina Kongreya Star a bajarê Kobanê beriya 45 rojan û bi tevlêbûna 27 jinan dewreyeke perwerdeyê bi navê “Şehîdên Komkujiya 25‘ê Hezîranê “ dabû destpêkirin.
Di dewreyê de li ser mijarên cuda ders hatin dîtin.
Bi armanca qedandina dewreyê merasîmek li avahiyê akademiyê hate lidarxistin. Di merasîmê de şandeyeke ji Îspanya û rêveberên Kongreya Star amade bûn.
Di merasîmê de Hevseroka Meclisa TEV-DEM‘ê ya kantona Kobanê Eyşe Efendî axivî. Eyşe Efendî bi dawîbûna dewreyê pîroz kir û hêvî ji kesên tevlî perwerdeyê bibûn kir ku xebata xwe li gorî felefeya Netewa Demokratîk a ku Ocalan pêşniyar kiriye bi rêk û pêk birêvebibin û got, “Felsefeya Rêber Apo jiyaneke azad e.”
Eyşe Efendî wiha got, “Bi hezaran mêvan tên Kobanê û karê me dişopînin, bi taybet jî kar û xebata jin, tevî ku derferên me kêm in jî lê me heya niha gavên ber bi çav avêtin.”
Ji kesên tev li dewreya perwerdeyê bûn, Ahîn Marûf e. Ahîn diyar kir ku ew poşman nebû ku tev li perwerdeyê bû û kêfweşiya xwe bi van gotinan anî ziman, “Me sûd ji vê perwerdeyê girt, perwerwerde ji bo me wekî jin pir girîng e, herî zêde me dîroka jin, rastiya rêbertî nas kir.”
Ahîn Marûf bang li jinan kir ku beşdarî dewreyên perwerdeyê bibin…ANHA
Perwerdeya 27 jinan bi dawî bû
