Ayşa Silêman/Qamişlo
Berdevkê Meclisa Yekîtiya Xwendekarên Welatparêz yên Sûriyê Izedîn Xelîl diyar kir ku heyecan û tevlîbûna xwendekaran ji bo kongirê re moralekî bilind da avakirin.
Di derbarê li darxistina kongira duyemîn a Tevgera Xwendekarên Demokratîk de Berdevkê Meclisa Yekîtiya Xwendekarên Welatparêz yên Sûriyê Izedîn Xelîl bersiva pirsên me da, hevpeyvîn wiha bû.
Kar û xebatên xwendekaran di çi astê de tên meşandin û astengiyên pêşiya wan çine?
Di van her du salên dawî de ji bo tevgera xwendekara gaveke mezin hat avêtin. Herwiha ji aliyê meşandina kar û xebatan di aliyê rêxistinkirinê de di asteke baş de hat meşandin, tevî ku hinek qutbûn hebû ji aliyê naskirina tevgerê ve ji ber herî dawî kongireye yekemîn ya tevgera xwendekara beriya 7 sala li zanîngeha Rojava hatibû lidarxistin. Ev yek valahî xistibû tevgera xwendekarên demokratîk de û ev bibû asteng ji naskirina tevgerê re. Lê belê di van her du salan de kedeke mezin ji aliyê endamên tevgerê ve hat dayîn û di ancamê de rihê tevgerê hat nûjenkirin û tevger ket rewşa aktîvkirinê de. Hinekî ji aliyê dibistanan ve astengî hene, ew astengî jî di derxistina berdevkan li dibistanan de ye. Lê ev yek di kongirê de hatin nîqaşkirin û wê di demên pêş de werin çareserkirin.
Xalên sereke yên ku di kongirê de hatin gotûbêj kirin çibûn û çawa hatin bi dest girtin?
Rewşa sîyasî û Rewşa Rêxistinî hat nîqaşkirin, di heman demê de Perspektîfê Rêber Apo hat xwendin, û Rapora kar û xebatên xwendekaran a salekî hat xwendin. Herwiha rêziknameya tevgera xwendekaran jî hat nîqaşkirin û erêkirin. Al ji
bo tevgera xwendekaran hat hilbijartin, nav ji Tevgera Xwendekarên Demokratîk hat guhartin bû yekîtiya Xwendekarên welatparêz yên sûriyê.
Ji bo kar û xebatên xwendekaran bi bandor û encam bibin wê di dema pêş de çi kar û xebat li ser asta herêma Bakur û Rojhilatê Sûriyê wê were kirin?
-Kongira duyemîn ya tevgera xwendekaran diyarî şehîd pîşeng, Sara, Vejîn, Şahîn Cûdî, Tolhildan û Erdal Kobanê bû.
– Tevgera Xwendekaran ji bo avakirina netewa demokratîk pêşengtiyê dike.
-Li hemberî hemû cûreyên îşkencekirin, tecrîd, zayendperestî û şideta li ser Jin têkoşîn dike. Herwiha zanista jineolojî weke riya çareserî digire dest.
-Li hember kiryarên şerên taybet (madên hişbir, fahîşe, ajantî û h.w.d) xwe perwerde dike û şerê gelê şoreşgerî esas digire.
– Di heman demê de li hemberî êrîşên dagerkeriyê erkê parastinê digire ser milê xwe û pêşengtiyê dike.
-Zanista ku dikeve xezimeta desthilatdarariyê û pergala kapîtalîstê de Tevgera Xwendekaran li hemberî wê têkoşîn dike û zanistê dike dibin xizmeta civakê de.
-yeketiya xwendekaran li hamberî perwerdekirina xwendekara berpirsiyare, li ser vî esasî herî kêm di salê de 10 dewreyên perwerdeya Akedimiya Ş.şahîn Cûdî vedike.
-Tevgera Xwendekaran Festîvala Ş.Hogir a salane birêxistin dike û pêşbirkên zanistî pêşdixe. Herwiha Li hemû dibistan, paymangeh û zanîngehan meclisa xwe rêxistin dike.
-Xebatên werzîşê, çand û wêjeyê pêşdixwe û ev yek dibe amûra komkirin û rêxistinkirina xwendekaran.
-Di heman demê de dahûrandina Rêber Apo dixwîne û li ser wan panêl, komxebat û semîner dide. Pêşengên xwendekaran portrên wan çêdikin û li herderê wan didin naskirin. Ev hemû xebat dihatin kirin û wê didemên pêş de jî berdewam bibin.