Parlementer û rojnamegerê Lubnanê Nasir Qendîl vekirina kanalên diyalogê di navbera MSD û rêjîma Sûriyê de weke gaveke zîrek bi nav kir û diyar kir ku ev pêngav wê çarseriya alozî û rizgarkirina axa Sûriyê ji dagirkeriya Tirkiyê bi xwere bîne.
Parlamenter û rojnamegerê Lubnanî Nasir Qendîl li bajarê Şamê şahiya îmzekirina pirtûka xwe ya bi navê “felsefeya hêzê” li pirtûkxaneya El-Esed a Şamê li dar xist.
Qendîl piştgiriya xwe ji bo hevdîtinên di navbera MSD’ê û rêjîma Sûriyê de anî ziman û wek “gaveke zîrek” bi nav kir û wiha got: “Ev nûnertiya rihê berpirsyariyê dike, hêviya min bi serkeftina van danûstandin û hevdîtinan gelekî mezin e.”
Qendîl di berdewama axaftina xwe de wiha anî ziman: “Divê em bi rihekî berpirsyar û wijdan bibêjin ku pêngava MSD’ê û vebijartina wan ji diyaloga bi rêjîma Sûriyê re nûnertiya rihê berpirsyariya niştimanî dike û zîrekbûneke stratejîk e.
Derbarê serkeftina van hevdîtinan de Qendîl wiha li axaftina xwe zêde kir: “Bi izna Xweda ev rêya ber bi serkeftinê ve ye û wê sîleyeke hişk li guman û xewnên sultaniyeta îslamî bide ku hewl dide beşekî ji axa Sûriyê di bin hinceta îdiaya xwecûdakirina kurd li Bakurê Sûriyê dagir bike.”
Parlamenter û rojnamegerê Lubnanî Nasir Qendîl axaftina xwe wiha bi dawî kir: “Vegerandina têkliyên di navbera kurdan û rêjîma Sûriyê de û hevbeşiya wan di hûnandina şêwazê dewletê û naveroka wê de gava herî girîng ber bi rizgarkirina axa Sûriyê ji dagirkeriya Tirkiyê ve ye.”…ANHA
Posta çûyî