Komîn civakê bi rêxistin dike û kevirê bingehîn yê avakirina Fedraliya Bakurê Sûriyê ye, ji ber ku bingha Netewa Dîmokratîk û nûnertiya azadî, wekhevî û edaletê dike. Her wiha rol û misyona jin di komînê de ya herî çalake, ji ber ji sedî 75 jin komînê birêve dibin. Ev 5 salin ku komîn hatiye avakirin û gelek pirsgirêk çareser kirin û xebat dane meşandin.
Têkîldarê mijarê Hevseroka Komîna Ş.Lewend a taxa Bişêriyê Mêrvet Ibrahîm diyar kir ku komîn sîstemek komînalî ye, yek ji bo herkesî û herkes ji bo yekî di xebite.”
KOMÎTE Bİ ERKÊN XWE RADİBİN
Hevseroka Komîna Ş.Lewend Mêrvet Ibrahîm da zanîn ku ev nêzî salek ser hilbijartina komînan derbasbû, destpêkê me komîtên xwe ku ji 10 komîtan pêk tên çalak kirin, piştre serdna hemû malan kir û civînek giştî ser sîstema nû ya komînan çêkir. Û wiha pêde çû: “Ku her komîte bi erkên xwe radibin, komîta kar ûbarê civakê û xizmetguzarî belavkirina mazot, xaz, paqijî, taybet alîkariya welatiyên efrînê di milê madî û manewî de. Çi peyda kirina kar û xanî ji wan re. Komîta jin jî her hefte da ku em pirsgirêk û hewcedariyên jin çine ji nêzve bizanibin heftana serdana malan bi taybet malên Efrînê dikin, çi pirsgirêka heyî destpêkê nîqaş dikin û dûra wekî komîteya lihevanîn dikev dewrê û çakreser dikin. Her wiha her hefte carek civînên Hevserok û komîte û ji mehê carekê civîn ji giştî ji taxêre tê lidraxistin. Di civîn rewşa dawî, daxwaziyên gel û pêşniyarên wan tê nîqaş kirin.”
Bİ RÊXİSTİNKİRİNÊ
HİŞMENDİYA 5 HEZAR SALAN BİŞKÎNİN
Mêrvet diyar kir ku destpêka avakirina komînan rola jin têde kêm bû, lê di piştî hilbijartina di sîstema nû ya Fêdraliyê de rol û misyona jin di komînan ya herê zêde û şalak bû. Mêrvet wiha dom kir: “Wekî komîteya aborî û perwede projeyên wekî perwerdeya durûtinê, tendrustiyê û kowafor bi buhayek pir kêm vekirin. Ji ber ku armanc avakirina derfetên kar û jin ji wê kevneşopiya hişmendiya mêr û car dîwaran derxin, ku ji sedî 75 jin komînê birêve dibin, tevlî bûna jin ji komîn û komîteyan re vê isbat dike. Komîta jin heftana bi renegkî rêxistinî perwerdeyên xweser dibînin û çi mijarên civakî hebe tê nîqaş dikin, da ku jin kesayet, dîrok û hêza xwe nasbike û li gorî wê tevbigere. JIn heya astekê guhertin avakirin, lê pêwîste tekoşîna guhertin û veguhertinê dewam bike, heya ew hişmendiya 5 hezar salan bişkîne.”
KOMÎN NÎŞANEYA WEKHEVİYÊ YE
Hevseroka Komîna Ş.Lewnd Mêrvet Ibrahîm bal kişand ser ku berê civak çawa li komînê meyze dikrin û wiha bi dawî kir:”Destpêkê civak komîn wekî marektekê diditin, lê bi xebatek şînber ketin wê ferqê ku rola komînê civakê bi rengekî komînal û kehevî rêxistin dike. Û herkes bi reng, çand û ola xwe bi rengekî azad cihê têde digre, ji ber komîna nîşaneya jiyana komînal û wekheviyê ye.”
Melek DEMÎRTAŞ