Cîgira serokê Buroya Partiya Sûriya Pêşerojê ya herêma Şebayê Ehlam Xidro diyar kir ku çareseriya aloziya Sûriyê bêyî destwerdanên derve bi danûstandina gel û hêzên Sûriyê wê pêk were. Ehlam wiha got, “Sûriye buye meydana şerê hêzên navnetewî. Ji bo aloziya Sûriyê bi dawî bibe danûstandinên Sûrî-Sûrî girîng in.”
Cîgira serokê Buroya Partiya Sûriya Pêşerojê ya herêma Şehbayê Ehlam Xidro destnîşan kir ku mudaxeleyên derve Sûriye xistine tuneleke tarî û diyar kir ku bidawîbûna aloziyê bi danûstandinên Sûrî-Sûrî pêkan e.
Cîgira serokê Buroya Partiya Sûriya Pêşerojê ya herêma Şebayê Ehlam Xidro bal kişand li ser aloziya Sûriyê ku ket sala 8’an wiha axivî, “Aloziya Sûriyê ketiye sala xwe ya 8‘emîn. Di encama mudaxeleyên derve de bûye meydana şerekî mezin ê navdewletî, Sûriye xistine tuneleke tarî, bi taybet piştî ku dagirkeriya Tirkiyê destek da komên çete.”
Ehlam da xuyakirin ku gelê Bakurê Sûriyê û Partiya Sûriya Pêşerojê piştgiriyê didin danûstandinên Sûrî-Sûrî û wiha pê de çû: “Em li dijî nîjadperstiyê ne, banga me hevgirtin û yekitiya gelê Sûriyê li hemberî terorê ye.”
Ehlam di berdewama axaftina xwe de wiha got: “Piştî ku gelê Bakurê Sûriyê kerwanek ji şehîdan da û welat ji çeteyan rizgar kir, zemîna diyalogan peyda bû ku xebatên çareseriya siyasî bêne destpêkirin.”
Ehlam Xidro vexwendina rêjîma Sûriyê ya ji bo MSD‘ê gaveke erênî ber bi çareseriya siyasî ve nirxand û wiha got: “Lihevkirina gelê Sûriyê bi danûstandinên niştimanî dûrî mudaxeleyên derve wê pêk werin.”…ANHA