Jinên ji Qamişlo destnîşan kirin ku berdewamkirina tecrîda giran li ser Rêberê Gelê Kurd Abdullah Ocalan wê aloziyê kûrtir bike. Ji ber Ocalan kilîta çareseriya şer û aloziyên li herêmê ye.
Dewleta tirk tecrîdeke giran li ser Rêberê Gelê Kurd Abdullah Ocalan ferz kiriye û bi hincetên nahêle ku malbat û parêzer biçin bi Ocalan re hevdîtinê bikin.
Girêdayî mijarê jinên Qamişlo nêrîn û helwestên xwe anîn ziman û tecrîd şermezar kirin. Jinan diyar kirin ku ew ê li dijî van kiryarên dewleta Tirk ji bo azadiya Ocalan têkoşîna xwe bedewam bikin.
Dayika bi navê Etiye wiha got: “Dewleta tirk ji sala 2011’an ve tecrîd li ser Rêber Abdullah Ocalan ferz kiriye û hemû qanûn û peymanên navdewletî binpê kiriye. Nahêlin parêzer û malbata wî biçin wî bibînin.” Dayîka Etiye diyar kir ku berdewamkirina tecrîda li ser Rêberê Gelê Kurd Abdullah Ocalan, berdewamkirina alozî û şerên Rojhilata Navîn e û got, “Ji ber ku Ocalan kilîta çarseriya aloziyên Rojhilata Navîn e. Ocalan azadî û wekheviya hemû gelan dixwaze. Heta rizgarkirina Ocalan em dest ji çalakiyên xwe bernadin.”
Dayîka Ereb Lemîs El-Hebîb jî diyar kir ku Ocalan rêberê yekemîn e ku ji bo azadiya jinan têdikoşe û da zanîn ku cihêkariya ku sîstemên zordest li nava gelan çandibûn ji holê rakir. Dayika Lemîs wiha dewamkir: “Piştî Şoreşa Rojava bi saya fikr û felsefeya Ocalan, jinan karî maf û azadiya xwe bi bistînin.” Lemîs bêdengiya rêxistinên mafên mirovan li hemberî kiryarên dagirkeriya jî şermezar kir…ANHA
Posta çûyî
Posta tê