FARÛK SAKIK
Di destpêka salên 90’î de di serî de Amerîka dewletên Ewrûpa, ji bo ji nû de dîzayinkirina Rojhilata Navîn ketibûn nav hewldanan. Di destpêkê de xwestin Tirkiyê jî dahilî vê projeyê bikin û di vê projê de bi kar bînin. Lê hin şertên Tirkiyê jî hebûn. Tirkiyê di plana xwe ya sedsalî ya tunekirina Kurdan, wek qozekî da pêş wan. Ew jî tasfîyekirina PKK’ê û Abdullah Ocalan bû. Ji wan alîkarî dixwestin. Herî dawî di sala 1974’an de serdana Amerîka ya Sûrî çêbûbû. 20 sal piştî vê hevdîtinê, di sala 1994’an de me dît serokê Amerîka Bill Clinton li Sûriyê bi Hafiz Esad re hevdîtin pêkanî. Mijarek sereke ya vê hevdîtinê Abdullah Ocalan bû. Di hevdîtina 4 saetan de 3 saet li ser Rêber Apo hat axaftin. Abdullah Ocalan wek tehdîtek projeya xwe ya BOP’ê didîtin. Û Tirkiye jî ji Amerîka ev xwestibû. Di 23’yê Sibata 1996’an de rayedarek CIA bi dosyayek li Îsraîl bû. Di dosyayê de dîsa navê Rêber Apo derbas dibû. Di navbera Sûrî û Îsraîl de wê pêvajoyek nû dest pê bikira.
9’ê Nîsana 1996’an de ji bo komploya li dijî Rêber Apo dabûn destpêkirin. Serokwezîrê Yunanistanê Kostas Simitis li Qesra Spî bi Bîll Clînton re di hevdîtinekê de bû. Heger dest ji têkiliyên bi Kurdan re berdana, wê di têkiliyên wan û Tirkiyê de pêvajoyek nû dest pê bikira.
Piştî wan hevdîtinên Amerîka, li Tirkiyê jî tevgerekê dest pê kiribû. Amedekariya siwîqestekê li dijî Abdullah Ocalan dihat kirin. Van dewletan jî wê di vê siwîqastê de alîkarî bidana Tirkiyê.
Hemû amedekarî hatibûn kirin. Li gor îfadeyên Mehmet Eymûr ji serokwezîr û serokomarê demê jî destûr hatibû girtin. Ji eskeriyê tonek teqemenî-C4 jî hatibû girtin. Kontrayê deme Yeşîl jî dahîlî tîma vê êrişê kiribûn. Serokwezîr Tansû Çiller û serok komar jî Demîrel bû. Hilbijartin hebûn dixwest vê siwîqastê wek parçeyek kampanyaya xwe bi kar bîne.
Mesût Yilmaz di mixalefetê de bû û ev yek bihistibû. Wî nedixwest di dema hilbijartinan de ev yek pêk were. Wezîrek xwe yê berê şand gel siyasetmedar, Sirri Sakik ku ev amadekariya siwîqastê bibihîze. Li aliyekê din jî îstixbaratê xwe gihandibû Yalçin Kuçuk. Mixalefetê bi tenê dixwest dema siwîqastê were paşvexistin.
Lê Rêber Apo ji xwe, di nirxandinên konjokturê de ev yek dîtibû û li gor wê jî tedbîrên xwe digirt.
Û ewroj hat.. Li paytexta Suriyê Şamê di 6’ê Gulana 1996’an de li dijî Rêber Abdullah Ocalan bi kamyoneke teqemenî barkirî êrîşek pêk hat. Abdullah Ocalan bi telefonê dihat şopandin. Teqîn nêzî mala ku texmîn dikirin Rêber Apo lêye pêk hat. Teqîna ku di seatên êvarî de pêk hat, bandora xwe li 15 km dûrî devera bûyerê jî kir..
Nîv saet piştî teqînê rojnameyên nêzî Brîtaniyan digotin; Abdullah Ocalan jiyana xwe ji dest daye. Ev yek jî dida xuyakirin ku ev siwîqest hemleya komployê ya yekemîn bû.
Bi vê siwîqestê armanca dewleta Tirk ew bû ku Rêber Apo û kadroyên pêşeng ên PKK’ê tasfiye bike. Piştî hewldana vê siwîqastê komplo bi awayek aktîv ket meriyetê û hetanî îro jî hîn dewam dike. Di komployê de her tim ji bo ku biserkevin, di hedefa wan de Rêber Apo hebû. Têkoşîna Kurdan destûr neda vê yekê. Îroj bi tecrîdê dixwazin encam bigirin. Dîsa dixwazin di ger û sefera xwe ya Rojhilata Navîn de bi serkevin. Lê îroj Kurd jî bi têkoşîna azadiya Rêber Apo ya fîzîkî dixwazin bersiv bidin.