Hunermendê Kurd Aram Tîgran di 8’ê Tebaxa 2009’an de li paytexta Yunanîstan Atîna yê çû ser dilovanviya xwe. Bo boneya salvegera wefata Aram Tigran TEV-ÇAND’ê peyamek weşand û Aram Tigran bi bîr anî. TEV-ÇAND’ê di peyama xwe de diyar kir ku ew ê ala hunermendê mezin Aram Tigran timî bilind bikin.
Tevgera çandê TEV-ÇAND’ê, hunermend Aram Tîgran di 9’emîn salvegera wefata wî de bîr anî.
TEV-ÇAND’ê, bi boneya 9. Salvegera wefata Aram Tîgran peyamekî nivîskî weşand. Di peyamê de wiha tê gotin, “Em careke din hunermendê Mezin Aram Tîgran ku li penaberiyê ji dayik bû û li penaberiyê mir lê belê destûr nedan ku kula dilê wî li Amedê bê vaşartin, bi rêzdarî bibîr tînin.”
Aram Tîgran, 53 salên xwe yên muzikjeniyê de nêzî 500 stran hilberandin û şirove kirin. Aram Tîgran, di komkujiya Ermeniyan a di sala 1915’an de ji hêla dewleta Tirk a dagirker ve hatî kirin de ji bilî dê û bav, hemû xizmên wî hatibûn kuştin. Malbata wî ji ber kumkujiyê neçar mabû ku koçî Qamişlo bike. Tîgran di sala 1934’an de li Qamişlo hate dinê û ji hêla malbateke Kurd ve hate xwedîkirin û li ser wesiyeta bavê xwe stranên kurdî gotin.
TEV-ÇAND’ê anî ziman ku wefata Aram Tîgran ji bo hunera kurdî windahiyeke mezin bû û wiha hat gotin, “Lê belê bi berhemên ji me re hiştî, bi felsefeya xwe ya jiyanê ji bo nifşên nû mînakeke mezin e. Em bi vê wateyê mamosteyê mezin careke din bibîr tînin. Pêdiviya bi dilsoziya bîranîna wî re ew e ku em ala ji me re hiştî bilindtir bikin û wî nemir bikin. Bi vê boneyê em carek din li ber bîranîna wî bejna xwe ditewînin û bi minet û rêzdarî bibîr tînin. Aram Tîgran hunermendekî mezin ê Kurdî bû.”
