Zana Roj/ Şehba
Faşîzma Tirkiriyê kîn û nefreta xwe li hember tevgera Azadiyê bi pêkanîna hemû cureyên qirkirinê dide meşandin. yek ji rêbazên faşîzma Tirkiyê dîlgirtina xebatkarên Tevgera Azadiyê ye. Çawa ku nikarî dengê `Berxwedan Jiyan e `di zîndana Amedê de bitepisanda wê nikaribe berxwedana girtiyên azadiyê jî bitepisîne.
Di Dîroka Tevgera Azadiya Kurdistan de her tim faşîzma Tirkiyê xwestiye pêşî li herikîna Tevgera Azadiya Kurdistanê bigire. Bi vê armancê hemû cureyên qirkirinê û tundiyê pêk anîn. Gelê Kurd di qirkirina ziman, çand û nasnameya wê re derbas kiriye. bi hezaran gundên Kurdan talan kir û şewitandin.
Bi avakirina Tevgera azadiya Kurdistan re ev polîtîkeyên qirkirinê û pêşî girtina li doza azadiya Kurdistan careke din di şexsê Rêber APO û tevgerê de hate meşandin. yek ji rêbazên faşîzma Tirkiyê jî dîlgirtina tavahî xebatkarên Tevgera Azadiyê bû. Di zîndanên Bakurê Kurdistan û Tirkiyê de bi hezaran xebatkar hatin girtin û di bin îşkenceyê de hatine şehîd xistin. Ji salên 1982 û heyanî vê kêliyê ev rêbaz tê bikaranîn û domandin.
Di zîndanên faşîzma Tirkiyê de xebatkarên Tevgera Apoyî ji çar perçeyên Kurdistanê hene. Li Bajarê Efrînê yê Rojavayê Kurdistanê jî bi sedan şoreşgerên Tevgera Azadiyê hatine girtin û heyanî niha jî çarenûsa wan ne diyar in. yek ji dîlgirtiyên azadiyê yên ji Efrînê Hacer Xelîl Yûsêf û Hesen Ebdo ne.
Şoreşger Hacer Xelîl Yûsêf
Hacer Xelîl Yûsêf di sala 1970 î de li gundê Xelîl navçeya Şiyê yê Bajarê Efrînê ji dayîk bûye. Hacer di nava malbateke welatparêz de mezin bû û ji zaroktiye xwe ve tevgera azadiyê nas kir. Di sala 1992 an de bi Şehadeta Şehîd Bêrîtan re tevlî nava refên gerîlayên azadiyê bû, her wiha Hacer di sala 1995 an de li Hezexê ji aliyê faşîzma Tirkiyê ve hat girtin û 29 salin di zîndanên Dewleta tirk de ye. di 29 salan de derbasî çar zîndanan bûye zîndana Amedê, Mîdyadê, Gevzê û niha jî li zîndana Qeyseri ye de dimîne.
Hacer piştî destpêkirina çalakiya girava pirçîbûnê ya ku di 28 ê Mijdara 2023 an de ji bo misogerkirina azadiya fîzîkî ya Rêber APO û têkbirina tecrîda li Îmraliyê ji aliyê şoreşgerên azadiyê yên li zîndana hatiye destpêkirin, Hacer jî li girtîgeha Qeyseriyê bi hevalên xwe re ket girava birçîbûnê. bê guman Hacer beriya vê çalakiyê 4 caran tevlî çalakiyên girava birçîbûnê yên demdirêj bûye.
`Di têkoşîna Azadiyê de îsrar kirin`
Têkildarî peyam û helwesta girtiyê azadiyê Hacer Xelîl di zîndana Faşîzma Tirkiyê de Xwîşka wê Leyle Xelîl wiha got: “Heval Hacer heftê carekê bi me re diaxivî. Çawa ku ji roja yekemîn tevlî vê tevgerê bûye bi eynî helwest, girêdan û hezkirina xwe ji Rêber APO û doza Azadiya Kurdistan re ji 29 salan ve di xeta têkoşîn û azadiya Kurdistan de di zîndanên faşîzmê de li ber xwe dide. nameya wê ji 29 salan ve her tim berdewamkirina xeta Şehîdan, Rêber APO ye, her wiha îsrarkirin di mezinkirina têkoşîna azadiya gelê Kurd de ye”.
Şoreşger Hesen Ebdo
Hesen Ebdo ji gundê Fafirtînê yê Girêdayî Navçeya Şêrawa ye. Hesen ji malbateke welatparêz û bi naskirina Tevgera Azadiyê re Tevlî nava refên Gerîlayên Azadiyê bûye. Hesen di sala 1999 an de ji aliyê Faşîzma Tirkiyê hate girtin û 24 sal li ser dîlgirtina wî re derbas bûye. Hesen niha li zîndana Adanayê de dimîn e û ji 9 ê Sibata 2024 an ve bi malbatê re neaxiviye û tu agahî jê nay girtin.
Bi destpêkirina qonaxa yekemîn ji çalakiya girava birçîbûnê Hesen cihê xwe tê de girt her wiha di qonaxa duyemîn de jî di çalakiya xwe de bi israre.
`Heyanî serkeftinê emê li ber xwe bidin`
Birayê Şoreşger Hesen, Mihemed Ebdo anî ziman ku Hesen di mercên herî zehmet de li hember faşîzmê li ber xwe da û wê heyanî serkeftinê berdewam bike û wiha got: “Di oxira mezinkirina Tevgera Azadiya Kurdistan de bê guman berdelên herî giranbuha hatin dayîn. Hesen ji destpêka tevlîbûna xwe de li hember faşîzma Tirkiyê û hemû dijminên gelê Kurd bi biryardarî şer kiriye û li ber xwe daye. her çiqas di şert û mercên dijwar re derbas bûye jî, lê nehêştiye ku dijmin bigihîje armanca xwe. Hebûna wî di zîndanê de jî rê li ber têkoşîn û berxwedaniya wî negirt. Her gotina wî ew bû ku `heyanî serkeftinê emê li ber xwe bidin”.