Koçberên kampa Ebû Xeşeb ji ber bilindbûna pileyên germê di warê jiyanî de zehmetiyan dikişînin.
Welatiyên koçber yên li a li kampa Ebû Xeşeb a Dêrazorê hatine bicihkirin ji ber kêmbûna pêdiviyan û bilindbûna pileyên germahiyê bi pirsgirêkên jiyanî re rû bi rû ne. Her wiha ji ber ku dîwarekî kampê biparêze tune ye û kamp li ser axê hatiye avakirin, kamp di nava tozê de dimîne û navendên tenduristiyê di kampê de bi şevê tune ye.
Ji ber kombûna tozê di hundirê kampê de mar û dûpişk jî zêde bûne. Ji bo çareserkirina vê pirsgirêkê jî ti derman li kampê de nehatine reşandin.
Girêdayî mijarê koçberê bi navê Ednan Elî ku ev 5 meh in di kamê de dimîne wiha got: “Beriya çend mehan me ji rêveberiya kampê xwest ku konên çiriyane biguherînin, lê heta niha daxwaza me nehatiye bersivandin. Her wiha di kampê de pirsgirêka ava vexwarinê jî heye û ava paqijkirinê gelekî kêm e. Di kampê de derman gelekî kêm in. Em bang li rêxistinên mirovî dikin ku alîkariyê bidin me.”
Koçbera bi navê Xaliya El-Salih jî axivî û destnîşan kir ku derman û şîrê zarokan gelekî kêm e û diyar kir ku di kampê de gelek astengdar hene, pêdiviya wan bi dermanan zêde ye.
Kampa Ebû Xeşeb li gundewarê Dêrazorê di 13’ê Tîrmeha sala borî de hatiye avakirin. Di kampê de 495 kon hatine vegirtin û 2664 koçber lê hatine bicihkirin…ANHA
Bi zêdebûn germê rewşa koçberan jî zehmet buye
