Desteya Rêveber a MSD’ê li ser rapora Rêxistina Mafên Mirovan a Human Rights Watch ku tê de idia dikin, Yekîneyên Parastina Gel, zarokên kampan dike leşker, bersîva da û wiha got:” tiştên ku di rapora rêxistinê de hatine gotin, ew ê lêkolînan li ser vê idiayê bikin.
Daxuyaniya Desteya Rêveber a MSD’ê wiha ye :
“Di 3’yê Tebaxa 2018’an de Rêxistina Mafê Mirovan HRW’ê a Buroya Beyrûtê daxuyaniyek çepemenî li ser malpera xwe ya fermî belav kiribû. Rêxistinê di raporê de idia dike ku tîmek girêdayî rêxistinê hevdîtin bi 8 malbatên ku li 3 kampên cude dimînin-li gorî idîaya wan- gotin ku Yekîneyên Parastina Gel zarokên koçberan dike leşker.
Em weke Desteya Rêveber a MSD’ê hemû peymanên navdewletî yên girêdayî mafên mirovan ên giştî û bendên mafên zarokan û bi taybet benda tevlêkirina wan di şerên leşkerî de bi cih tînin, ew ji rêgezên bingehîn ji peymana siyasî ya Kongreya Damezrîner a meclisê ye. Li ser wê sedem û hêncet çi dibin bila bibin em li dijî leşkerkirina zarokane. Em tekez dikin ku tiştên di rapora çepemanî ya rêxistinê de hatine gotin, emê lêkolînan li ser vê idîayê bikin û zarokên ku hatine leşkerkirin bi lez eger hate isbatkirin vegerînin malbatên wan û her wiha hesab ji kesên ku bûn sedema vê yekê bixwazin.
Ji ber wê em bang li rêxistin û saziyên navdewletî dikin ku ji bo xebatên mirovî bi MSD’ê re di nav danûstandinan de bin ta karibin pirsgirêk û tiştên ku şaş hatine naskirin derbas bikin.
Her wiha em tekez dikin em ê rêgezên mafên mirovan, zarok û jinê bi cih bînin. Û em ji bo danûstandin û hevkariyê bi hemû kesên ku doza mirovan nas dikin re vekirîne.”
MSD‘ê bersiva rapora HRW’ê da
