Hêvî Melek/Qamişlo
Xwediyên patozan amedekariyên xwe ji bona mûsimê îsal dikin û bi hêvîne ku mûsimê îsal ji yê par baştirbe.
Piştî barîna barana zêde erd bi rengekî baş hate avdan; ev jî bandoreke erênî li mûsimê çandiniyê kir û bi taybet jî li ser genim û Ceh. Di heman demê de xwediyê patozan beriya mûsim bi çend mehan dest bi hazirtî û amadekirinên ji bona mûsim dikin û parçeyên patozan çeksaz dikin û beşek ji wan jî diguherin.
Di derbarê vê mijarê de xwediyê patozan li taxa Hilêliyê Mesûd Mehmûd, ji rojnameya me re axivî:
Hazirtî û amadekariyên xwediyê patozan
Mehmûd diyar kir ku di dema niha de em hazrtiyên ji bo mûsim dikin, hazrtiyên me jî ewe ku pêwîste ku hin parçeyên patozan werin guhertin û wiha got: Em patozên xwe ji bona demsala mûsim amede dikin. Mehmûd diyar kir ku zehmetiyên derdikevin pêşiya wan jî tenê bilindbûna buhayê parçeyên patozan û bi zehmetî peydakirina wan li bazarê, ev jî ji ber buhabûna nirxê dolar e. Her wiha zehmetiyên me yên din jî zehmetiyên peydakirina mazotê ye. Her wiha Mehmûd da zanîn ku pirsgirêkên me ne di buhabûnê de ne lê pirsgirêkên me di peyda kirina amûran de ye. Ji ber ku em mecbûrin kar bikin û ger ku buhabe jî emê bikrin, lê ya giring ewe ku li bazarê peyda bibe. Dibe ku amedekirina patozan zêdeyî 3`ê hezar dolar lê biçe, ev yek ji cotkaran re dibe astengî û pirsgirêk, ji ber ku dema amûr yan jî kesên ku kar dikin daxwaza bilindbûna pereyan dikin em jî ji neçarî li ser cotkaran buha dikin, ev yek jî nakokiyan ji kesên Cotkar re çêdike.
cudahiya di navbera sala borî û îsal de
Mehmûd da diyar kirin ku nêzî 20 rojan divên ku ew hazirtiyên xwe bi dawî bikin, ji ber ku di meha 5`an de wê demsala mûsimê îsal destpêbike. Ji milekî din ve jî cudahiya di navbera sala borî û îsal de bilindbûna nirxê dolar e, lê ji neha ve û ji ber barîna barana zêde diyare ku mûsimê îsal ji yê par baştir e. Xwediyê patozê Mesûd Mehmûd di dawiya axaftinê xwe de wiha anî ziman ku raste mûsimê par di aliyê berhem de ne baş bû û kêm bû, lê di heman demê de buhayê her tiştî baş bû. Tevî ku em dizanin wê buhayê amûrên ku ji mûsim re pêwîst buhabin, lê em bi hêvî ne ku hin alîkarî bi xwediyên patozan re were kirin.
