Li Efrînê çeteyên dagirker û kujer her diçe zext û zilma li ser gel zêdetir dikin. Hersa gelê Efrînê jî li hember kiryarên dagirkeran mezintir dibe. Hat ragihandin hevjîna kesê ku ji aliyê çeteyan de hat qetilkirin, bilokek ji jor de avêt çeteyek kuşt. Hat gotin ku çeteyan ew jin revandine û nayê zanîn birine kî derê.
Zilm û zordariya dagirkeran li Efrînê bê navber didome. Çete û leşkerên dagirker yên Tirk rojane kiryarên xwe yên hovane li ser gel zêde dikin. Li hember van kiryarên dagirkeran jî hêrsa gel her diçe mezintir dibe.
Artêşa tirk a dagirker û çeteyên girêdayî wê welatiyek Efrînî qetil kirin û hevjîna wî ji bo tola hevserê xwe çeteyek kuşt.
Çavkaniyek ji kantona Efrînê ragihand ku çeteyên koma “El-Hemzat” a girêdayî artêşa tirk a dagirker bi ser mala welatiyek ereb li nêzî parka taxa El-Eşerefiyê girtin û ew kuştin.
Her wiha hat diyar kirin ku hevjina kesê hat qetilkirin ji bo tola hevserê xwe bilokek ji jor de avêt çeteyek û hate kuştin.
Heman çavkanî tekez kir çeteyên artêşa dagirker piştî buyerê tax girtin û derketina derve li şêniyan qedexe kirin û jina ku çete kuşt revandin û ber bi cihek nediyar ve birin…ANHA
