Dilyar Cizîrî
Çend roj di navbera me û 22’ê Nîsanê salvegera 126’an a roja rojnamegeriya kurdî de maye. Bi vê boneyê hêjaye ku em bi bibîr bînin ku gelê kurd di warê ragihandinê de gavên mezin avêtine. Îro li ser hêmanê avakirina rojnameya Kurdistan ku bi destê Mîr Midhet Bedirxan ve hatiya vekirin, bi sedan sazî û dezgehên ragihandinê yên kurdî li ser asta her çar aliyên Kurdistanê hatine vekirin.
Bi hezaran kurd di hemû beşên ragihandinê de dixebitin. Di encamê de her çendî partiyên kurdî nikarin bi yek bin lê di warê civakî de yekbûyînek bi hêz a kurdistaniyan saz bûye. Ev di bûyera vê dawiyê ya li Balçîka, hilbijartinên Bakurê Kurdistanê û Tirkiyê û her wekî din de baş diyar dibe.
Bi wate her çendî kurt û kêmasiyên ragihandina kurdî, bê derfetî hebin jî lê gavên hatine avêtin qet ne kêm in. Bi saya ragihandina kurdî serkeftina şervanan li Kobanê di cîhanê de deng veda, bi saya ragihadina kurdî navendên şerê taybet ên dewletên dijminên gelê kurd naçin serî, bi saya ragihandina kurdî şoreşa Rojava bûye şoreşeke li ser asta cîhanî.
Îcar di rewşeke wiha de em behsa ragihandina xwe dikin, aliyekî bi navê kurdayetiyê hebûna xwe parastiye, kedkarên ragihandinê di zindanên xwe de dihêlin. Em fam dikin dewleta Tirk dijminê gelê kurd e û ji bo dengê rastiyê li Kurdistanê veşêre, bi dehan rojnamevanan binçav dike, saziyên ragihandinê digre.
Lê dema em li bûyera revandina Rojnamevan Silêman Ehmed meyze dikin ku bi destê hêzên partiyek bi navê kurdayetiyê bang dike, em matamyî dimînin. Îdaya wan a revandinê ew e ku Silêman Ehemed endamê PKK’ê ye. Bi rastî ev îda tiştekî sosrete, mane îro bi dehmilyonan kurd piştgiriya PKK’ê dikin. Mane ên Şengalê ku komkujiyên hîn mestir rizgarkirin endamên PKK’ê bûn, mane ên ne hiştin çeteyên DAIŞ’ê bighêjin Hewlêrê û benda parastinê li Mexmûrê ava kirin, gêrilayên PKK’ê bûn. Mane Serokê PDK’ê bi xwe li Mexmûrê çû serdana şervanên PKK’ê û spasiya wan kir.
Niha jî di bin navê endametiya PKK’ê de rojnamevanan direvînin û rê nadin ne malbat û ne jî parêzer wan bibînin. Heger bûyera girtina Rojnamevan Silêman Ehmed ne revandin be û çetetî be, bela rayedarên PDK’ê Silêman bînin pêşberî dadgehê. Mane qaşo li Başûrê Kurdistanê qanûn û dadgeh hene?
Heger hene bila bixin piratîkê, na heger nîne, wê demê bila rêveberiya Başûrê Kurdistanê bi hemû aliyên xwe ve nebêjin em xwedî qanûn û destûrekî demokratîk in. Di heman demê de heger îro ajansa Anadol û bi dehan saziyên dewleta Tirk a ji bo qirkirina gelê kurd kar dike, li Başûr fermî dixebitin û rê nayê dayîn saziyekî wekî Ronahî Tv û saziyên din ên Rojavayê Kurdistanê li Başûrê Kurdistanê buroyên xwe vebike, bela rayedarên PDK’ê xwe di ber çavan re derbas bikin.
Bi boneya 22’ê Nîsanê gerek rayedarên PDK’ê li xwe vegerin û bi çavên serê xwe hêza gelê kurd bibînin çawa pergala Erdogan di hilbijartinan de şaş kirin, wê pergala her kesê dijberiya gelê kurd dikin, şaş bikin. Ji bo wê jî divê Silêman Ehemd di zûrtirn dem de were azadkirin.