Bi armanca pêşxistina aboriya jinan, Buroya Jinan a Meclisa Sivîl a Reqayê kargeheke dirûtinê li bajêr vedike.
Buroya Jinan a Meclisa Sivîl a Reqayê xebatên amadekirina kargeha dirûtinê didomîne. Kargeh li taxa pîşesaziyê ya li hemberî Deriyê Bexdayê ye. Niha avahiya kargehê ji derve û hundir ve tê sererastkirin. Her wiha di pêngava yekemîn de kargeh bi 15 makîneyên dirûtinê tê amadekirin û ji bo xebitandina kargehê jî, wê jinên ku bi dirûtinê dizanin, di kargehê de bên bi cih kirin.
Kargeh ji du odeyan û holeke mezin ji bo pêşkêşkirina cil û bergan, pêk tê.
Endama rêveber a Buroya Jinan a Meclisa Sivîl a Reqayê Sûad Kirdî destnîşan kir ku proje wê derfetên kar ji jinên Reqayê re peyda bike, aboriya wan geş bibe û diyar kir ku kargeh wê di meha bê de were vekirin. Ev proje wek projeya yekemîn a taybet ji bo jinan li Reqayê tê hesibandin…ANHA
Li Reqayê pêşxistina aboriya jin
