Navenda Nûçeyan
Hevseroka Komîseriya Bilind a Hilbijartinan a Herêma Bakur û Rojhilatê Sûriyê Rûken Mele Ibrahîm diyar kir ku pêkanîna hilbijartinên demokratîk ji bo tevahiya pêhateyên herêmê qonaxeke dîrokî ye û got, “Em bang li hemû gelên herêma Bakur û Rojhilatê Sûriyeyê dikin ku beşdarî xebatên hilbijartinê bibin .”
Piştî erêkirina Hevpeymana Civakî di dawiya sala 2023’an de, Meclisa Gel a Demokratîk a Rêveberiya Xweser a Herêma Bakur û Rojhilatê Sûriyeyê di Sibata sala 2024’an de yasaya Komîseriya Bilind a Hilbijartinan a Herêma Bakur û Rojhilatê Sûriyê pesend kir û endamên komîseriyê hatin erkdarkirin.
Di 28’ê Adara 2024‘an de Komîseriya Bilind a Hilbijartinan a Herêma Bakur û Rojhilatê Sûriyê civîna xwe ya yekemîn li dar xist. Di civînê de makanîzmaya komîseriyê hat nîqaşkirin û dema destpêkirina hilbijartinan hat diyarkirin.
Komîseriya Bilind a Hilbijartinan 3 nivîsgeh damezirandin û ji bo her yekê hevserok hilbijartin. Ew jî nivîsgeha çavdêrî û îtîrazê, nivîsgeha daîreya hilbijartinê û nivîsgeha perwerdeyê ne. Her wiha logoya komîseriyê hat pêşniyarkirin û ji aliyê endamên wê ve hat erêkirin. Di logoyê de bi 3 zimanan hatiye nivîsandin.
Her wiha komîteyek ji 6 endamên komîseriyê ji bo amadekirina rêziknameya komîseriyê, hat damezirandin. Komîseriyê ragihand ku hilbijartin dê di 30’ê Gulana bê de dest pê bikin.
Derbarê hilbijartina Şaredariyan yên herêma Bakur û Rojhilatê Sûriyê de hevseroka Komîseriya Bilind a Hilbijartinan a Herêma Bakur û Rojhilatê Sûriyê Rûken Mele Ibrahîm ji rojnameya me re axivî.
‘Lidraxistina hilbijartinan gaveke dîrokî ye’
Rûken Mele Ibrahîm diyar kir ku avakirina komîseriya hilbijartinê li herêma Rêveberiya Xweser ne tiştekî nû ye, lê hilbijartinên ku ev komîseriya Bilind a Hilbijartinan dê bi rê ve bibe wê li ser asta herêma Bakur û Rojhilatê Sûriyê dîrokî bin û wiha domand: “Ji destpêka damezrandina Rêveberiya Xweser ve, tevî hemû êrişîan jî, saziyên Rêveberiyê û pêkhatieyên herêmê dikarîbûn tevahiya pirsgirêkên xizmetguzarî û jiyanî derbas bikin, ji bo xizmeta civakê bibin bersiv û herêmê bi yegirtina gelan birêve bibin. Tevî her tştî Rêveberiya Xweser karîbû xwe isbat bike û bû hêviya gelên herêmê bi giştî. Ji ber vê yekê jî lidarxistina hilbijartinan gaveke dîrokî ye. Herwiha her pêşketinek ku li ser asta Rêveberiya Xweser, ji bo têkbirina êrişan gaveke girînge. Li ser bigeheke demokratîk em ji hemû xetereyên li ser herêmê amade ne, herwiha emê bi hilbijartinên azad û demokratîk saziyên xwe pêş bixin”
‘Wê di 30’ê Gulanê de hilbijartin dest pê bikin’
Rûken wiha axaftina xwe domand: “Piştî pesendkirina yasaya Komîseriya Bilind a Hilbijartinan, bi hemahengî li gel sazî û dezgehên mafên mirovan û yên yasayî, girêdayî (Zagona Dabeşkirina Îdarî – Zagona Hilbijartinan – Hilbijartinên Şaredariyan) reşnivîsa yasa hatin nivîsandin. Ev zagon dê di demek nêzîk de ji bo erêkirinê li ser maseya Meclisa Demokratîk a Gelan bin, lê dîsa jî dibe li gorî hin pêwîstiyan guhertin tê de pêk were, ji ber ku hîn jî kar û xebat jê re tê xwestin. Piştî karkirina li ser amadekirina van yasayan, yekemîn civîna Komîseriya Bilind a Hilbijartinan di 28’ê Adarê de hat lidarxistin û tê de Komîseriya Bilind a Hilbijartinan 3 nivîsgeh damezirandin û ji bo her yekê hevserok hilbijartin. Ew jî nivîsgeha çavdêrî û îtîrazê, nivîsgeha daîreya hilbijartinê û nivîsgeha perwerdeyê ne. Her wiha logoya komîseriyê hat pêşniyarkirin û ji aliyê endamên wê ve hat erêkirin. Di logoyê de bi 3 zimanan hatiye nivîsandin. Her wiha komîteyek ji 6 endamên komîseriyê ji bo amadekirina rêziknameya komîseriyê, hat damezirandin. Komîseriyê ragihand ku hilbijartin dê di 30’ê Gulana bê de dest pê bikin.”
‘Em bang tevahiya gel dikin ku beşdarî hilbijartinan bibin’
Hevserokatiya Komîseriya Bilind a Hilbijartinan ya herêma Bakur û Rojhilatê Sûriyê Rûken Mele Ibrahîm axaftina xwe wiha qedand: “Em bang li hemû gelên herêma Bakur û Rojhilatê Sûriyeyê dikin ku beşdarî xebatên hilbijartinê bibin û ji bo kesên ku dixwazin di van şaredariyan de nûnertiya wan bikin dengên xwe bidin. Herwiha em pêşwaziya hemû rêxistinên xwecihî û navdewletî dikin ku çavdêriya proseya hilbijartinan bikin ji destpêka proseya hilbijartinan heta dawiya wê û em amade ne ku çavdêrên navdewletî amade bin jî dema ku encam werin ragihandin.”