Kongreya Star banga rawestandina tundiya li ser jinan kir

Rêxistina Kongreya Star a herêma Dêrikê derbare kiryarên çete û leşkerên artêşa tirk a dagirker banga avakirina komîteyeke lêpirsînê û rawestandina tundiya li ser jinan kir.
Rêxistina Kongreya Star a herêma Dêrikê di çarçoveya qonaxa duyemîn a Pêngava “Jin ji bo cîhanê serî hildin “ de li ser kiryarên çete û leşkerên artêşa Tirk a dagirker daxuyanî da. Daxuyanî bi amadebûna bi dehan endamên Kongreya Star ji aliyê endama kongreyê Meyada Necar ve hate xwendin.
Di daxuyaniyê de kiryarên artêşa tirk a dagirker û çeteyên wê yên li Efrînê, talankirina milkên sivîlan û guhertina demografiya Efrînê hate şermezarkirin û banga şandina alîkariyan ji bo şêniyên Efrînê yên li kampên Şehbayê li rêxistinên navdewletî hate kirin. Her wiha hate gotin ku jin, zarok û kesên bi temen mezin herî zêde zextê ji dagirkern dibînin.
Di berdewama daxuyaniyê de bang li rêxistinên navdewletî hat kirin ku komîteyeke lêpirsînê li Efrînê ava bike da ku binpêkirinên artêşa tirk a dagirker û çeteyên wê dijî sivîlan bi belge bike, her wiha banga rawestandina tundiya li ser jinê hate kirin…ANHA