Fermandarê giştî yê YPG’ê Sîpan Hemo diyar kir ew amade ne hêzeke xwe bişînin Siwêdayê da ku bajar ji terorê paqij bikin. Hemo her wiha desnîşan kir ku çalakiyên wan ên li Efrînê li dijî leşker û çeteyên dagirker yên Tirkiyê berdewam dikin û got, “Ev çalakî wê zêde bibin.”
Fermandarê giştî yê YPG’ê Sîpan Hemo diyar kir ku ew amade ne hêzeke xwe bişînin Siwêdayê da ku bajêr ji terorê rizgar bike. Hemo destnîşan kir ku çalakiyên wan ên leşkerî li Efrînê jî li dijî dagirkeriya Tirkiyê û komên çete yên girêdayî wê berdewam in û da zanîn ku ev çalakî bi demê re wê zêdetir bibin.
Çeteyên DAIŞ’ê di 25’ê Tîrmeha borî de êrîşeke hovane bi ser welatiyên Siwêdayê de bir û di encamê de bêtirî 250 welatiyên sivîl şehîd bûn û çeteyan nêzî 40 kes revandin ku piraniya wan jin û zarok in.
Fermandarê Giştî yê Yekîneyên Parastina Gel YPG’ê Sîpan Hemo girêdayî êrîşên li dijî welatiyên Siwêda ji rojnameya Şerq El-Ewsat re axivî û êrîş wek “êrîşeke hovane” bi nav kir. Hemo wiha got: “Êşa welatiyên me yên Durzî heman êşa welatiyên me li Kobanê û Efrînê ye ku niha Efrîn di bin dagirkeriya Tirkiye û komên çete yên girêdayî wê de ye.”
Hemo di axaftina xwe de desnîşan kir ku ew amade ne alîkarî bi welatiyên Siwêda re û ji aliyên peywendîdar re pêşkêş bikin û wiha dewam kir: “YPG’ê îspat kir ku di şerê li dijî rêxistina DAIŞ’ê û terorîstan de serkeftî ye. Şervanên YPG’ê di bin sîwana Hêzên Sûriya Demokratîk QSD’ê de yek ji sêyan ji giştî rûpîvana welat ji DAIŞ’ê rizgar kiriye.”
Girêdayî rewşa li Efrînê Hemo eşkere kir ku çalakiyên YPG’ê yên leşkerî li dijî dagirkeriya Tirkiyê û çeteyên girêdayî wê li Efrînê berdewam dikin û diyar kir ku ev çalakî wê bi demê re jî bêne zêdekirin.
