Birûc Resûl/Qamişlo
Zanîngeha Rojava û Saziya Zimanê Kurdî bi boneya Roja Zimanê Dayikê li hola zanîngehê ya bajarê Qamişlo panelek li dar xistin û tê de li ser zimanê dayikê senîner û nirxandin hatin kirin.
Bi boneya Roja Zimanê Dayikê ya Cîhanê, zanîngiha Rojava û Saziya Zimanê Kurdî panêlek li dar xist. Panêl bi tevlîbûna endamên saziya zimanê kurdî, endam û xebatkarên zanîngiha Rojava û kesayetê oldar hat birêve birin.
Di destpêka panêlê de, deqeyek rêzgirtin li ser giyanê şehîdan hat rawistandin. Piştre Şêx Murşid Elxiznewî li ser zimanê cîhanî û bi taybet li ser zimanê kurdî nerxandin kir û got: “Ser bilindayî ye ku em niha bi rehetî bi zimanê dayikê ya kurdî di axivin. Her wiha di dema rêjîmê da, tirsekî mezin hebû ku kes nikarîbû bêje ez kurdim, ev ne haqî bû ku li ser mirovan destheledariyê dimeşandin û wan dûrî ziman û nasnemeya
wan dikirin. Lê em dibînin ku îro bi hêzekî pir mezin kurd bi ziman û nasnemeya xwe bê tirs xwe didin naskirin. Mafê tu kesî tune ye ku ziman xwe li ser keseke din bide ferizkirin. Her kes zimanek, çandeke wê heya. Di herî dawî de ziman diyarî ye û pêwîsta ku em bi vê diyariyê ve girêdayî bin û biparêzin.”
Di heman çarçoveyê de nivîskar û helbestvanê kurd Diyar Bohtî da zanîn ku ziman nasnemeya mirove û wiha got: “Her kes bi zimanê xwe tê naskirin, kesên bi kurdî diaxivin dibêjin wan kurd, kesên erebî diaxivin dibêjin wan ereb. Ziman dihêle ku nasnema mirov çêbibe. Gelê kurd beriya şoreşê bindest bûn ku nikarîbûn bi nasnemeya kurdîtiyê tev bigerin, her dem bi tirs jiyan dikirin, tune bûm. Em niha bi zimaê dayika xwe bi serfirazî diaxivin. Pêwîste tu kes zimanê xwe kêm nebîne, xwepişaftinê jiyan neke ku êdî tune bûne xwe ne de diyar kirin ji dewletên desthiledar re. ”
Di heman çarçoveyê de Salih Heydo û Beşîr Mele Newaf li ser zimanê kurdî çend helbest xwendin. Herwiha li ser zimanê kurdî û siyasetê Samî Fetah sem/nerek da û nirxandin kir.