Argêş Vîyan/Qamişlo
8’ê Gulana 2025’an li bajarê Qamişlo şervanê YPG’ê Cîger Gulo di encama nexweşiyê de şehîd bû. Şehîd Cîger Gulo bi merasimeke girseyî li goristana Şehîd Delîl Saroxan ji aliyê sedan şêniyên Qamişlo ve hat oxirkirin.
Endamên saziyên Rêveberiya Xweser ya Bakur û Rojhilatê Sûriyê, şervanên QSD û YPJ, gelek kesayetên navdar û bi sedan şêniyên Qamişlo ji bona oxirkirina merasîma pakrewan şehid Ciger Gulo berê xwe dan goristana Şehîd Delîl Saroxan.
Li ser navê saziya Malbata Şehîdan Mihyedîn Hesen axivî û got: “Mala Gulo birastî jî bo na şoreşa Rojavayê Kurdistanê, weke her malbatekê Kurdistanê ked û berdêl dan. Em îro jî kongreya PKK ya 12’emîn wê hemûyan re pîroz dikin. Şehîd rûmeta gelê me ye.”
Li ser navê Meclisa Leşkerî ya Şehîd Rûbar Nezîr Sofî axivî û got: “Hevalê Cîger bi rastî jî yek ji pakrewanên mala Gulo bû. Berdewamîya şopa Xebat Dêrik, Reşo Enteriyê û Rûbar Qamişlo bû. Fikrê PKK hîn berdewam e. Em soz didin Rêber Apo Em pey ramanên te ne.”
Li ser navê Kongra Islama Demokratîk şêx Mihemed Xerzanî axivî û wiha anî li ser ziman: “Em mizgîniyê didin
Apê Yûsif ê Gulo Cîger daxwaza te pêk anî. Desthilat û dagirker tu caran dest bi kiryarên zalimane bernadin. Şehîd namirin û dîsa serê Rêber Apo û malbata Gulo saxbe”
Li ser navê eşîrên Ereb Ebdilah Medran axivî û sersaxî malbatê xwest.
Li ser navê malbatê bavê şehîd Cîger Gulo, Ehmed Gulo axivî û wiha got: “Em weke gel kêlîyên pir girîng derbas dibin. Em kurd, ereb û gelek netewên cuda me bi mil bi mil şer kir û ked dan. Em bang gelê Ereb dikin ku biratiya Kurd û Ereb da bibin siwana aşîtî û çareserî yê.
Pêwist e bi her aliyê xwe em xwedî yekîtiyê derbikevin, îro roja yekbûnê ye. Ez îro azadiya Rojhilata Navîn bi lidarxistina kongreya PKK, hemû gelên Rojhilata Navîn pîroz dikim. Dema seyda Cegerxwin koça dawî kir, Cîgerê me ji dayîk bû. Min ji navê kir Cegerxwîn, ew ê ji navê xwe pir pîrozî da jiyan kirin.”
Slava Gulo ji bo na bîranîna Cîger Gulo helbestek pêşkêş kir
Piştî radestkirina wesiqeya şehid ji bo na malbatê, şehîd axê hat spartin.
