Rûheyv Şah/Qamişlo
Endama Koma Şehîd Sakîne Şêrîn Mihemed ku di 9`ê Îlûna 1992` yan de li bajarê Hesekê di nava malbateke welatparêz de ji dayk bûye ji bo ku Çand wêje û zimanê Kurdî di riya stranan re bi cîhanê bide nasîn,dest bi karê hunerî kiriye.
Di derbarê kar û xebata hunerî de endama koma Şehîd Sakîne Şêrîn Mihemed ji rojnameya me re axivî.
Şêrîn Mihemed di 9`ê Îlûna 1992`yan de li bajarê Hesekê ji dayik bûye. Şêrîn diyar kir ku ji zaroktiya xwe ve wê ji karê hunerî pir hezdikir û di nava mêvanan de li ku derê ba wê stranên xwe bê şerm distrandin. Ji sala 2003`yan de ew di nava koma ciwanên jin
yên bajarê Hesekê de cihê xwe digrit û dest bi stranan kiriye. Piştre tevlî koma Şehîd Tolhildan bû û ji bona pêşxistina kar û xebatê hunerî dayika wê pir alîkariyê pêre dike. Şêrîn ji ber ku ji xwe bawer bû zû pêşket û di milê awaz û stranan de bandora stranên Şehîd Serhed li ser wê pir hebû û ji beriya ku tevlî komên stranan bibe hîn wê demê ji stranên Şehîd Serhed guhdar dikir û pê bandor dibe. Şêrîn got ku her wê li stranên wî guhdar dikir û pê kêfxweş dibû û hem jî hest û girêdana wî bi stranan zêdetir dibû. Şêrîn da zanîn ku piştî çûna wê ya li bajarê Şamê li wêderê derfeta wê çêdibe ku tevlî Koma Şehîd Serhed bibe. Şêrîn destnîşan kir ku dayika wê jî pir kêfxweş dibe bi biryara tevlîbûna wê ji nava koma Şehîd Serhed re. Ji ber ku rewşa Rojava û Sûriyê neweke neha bû me di kar û xebatên xwe yên hunerî de gelek zehmetî dikşandin û hemû kar û xebatên me bi rengekî veşartî dihatin kirin. Şêrîn behsa kar û xebatê we yên wê demê li Şamê kir û got ez beşdarî sersala partiyê û rojbûna Rêbertî û şaiya ji bo Newrozê jî bûme. Di wê demê de hevalên min kêfxweşiya xwe ji bo tevlîbûna min anîn ser ziman. Piştî ku em hatin bajarê Qamişlo navenda Mihemed Şêxo ya çand û hunerê ji nûve min û hevalên xwe bi hev re hazirkirinê navendê bi dawî kir û me dest bi avakirina koman ki. Li navendê 3komên muzîkê, koma Şehîd Zelal ya dengbêjiyê hatin sazkirin. Min cihê xwe di koma Şehîd Zelal de girt, piştî koma Şehîd Zelal Sazkar çêbûn min cihê xwe di nav de jî girt. Piştî koma Sazkar ez tevlî Koma Botan ya giştî bûm. Piştî koma Botan, koma Şehîd Sakîne di sala 2013`an de min cihê xwe di koma şehîd Sakîne de girt û heta roja îro jî ez cihê xwe di koma Şehîd Sakîne de digirim. Raste ku di van salan de me gelek astengî û zehmetî kişandin, lê di encamê de me gelek serkeftin bi dest xistin û em hewil didin ku pêşketinin cuda pêk werin. Min jî ev yek dixwest ku di riya stranên xwe de çand û wêjeya Kurdî bi ser bixim û ji cîhanê re nîşan bikim ku em Kurdin û Kurd hene û em jî xwedî çand, ziman û dîrokeke resen in.