Birûc Resûl/Qamişlo
Bi durişmeya “Bi xebat û zanînê em li ser rêya têkoşîn û azadiyê ber bi pêşerojeke baştir a ciwanên xwe ve dimeşin”Yekîtiya Ciwanên Suryaniyan di 11 ‘ê Sibatê de 3`emîn konferansa xwe li Hola Civaka Xêrxwaziyê ya Ermenan a bajarê Qamişlo li dar xist.
Îro li bajarê Qamişlo 3`emîn Konferansa yekîtiya ciwanên Suriyan hat li dar xistin. Herwiha bi beşdarbûna nûnerên Rêveberiya Xweseriya Demokratîk û endamên saziyên sivîl û tevgera ciwanan jî cihê xwe di konfiransê de girtin. Konferans bi deqeyek rêzgirtina li ser giyanên şehîdan dest pê kir.
Piştre hevseroka Yekîtiya Ciwanên Suryanî Marîna Îsa bal kişandina li ser darxistina Konferansa 3`emîn a Ciwanên Suryan û pîroz kir. Marîna destnîşan kir ku Ciwanên Suryan bi rêya damezirandina vê tevgerê dixwazin bibin xwedî helwest û teqez kir ku piştî destpêkirina şoreşa Rojava ev tevger û saziyên din yên Bakur û Rojhilatê Sûriyê, di warên leşkerî, çandî û siyasî de hat hilberandin.”
Herwiha Marîna di berdewamiya axaftina xwe de got, Em ciwan yek dest in û hêz in, ji bo ku em bigihêjin mafên gelê Suryanî û Keldanî û bibin xwedî îradeyeke xurt, me bi yekîtî û hezkirinê destpêkir. Di heman demê de wek tevgera Yekîtiya Ciwanên Suryan, ew ê bi hemû tevgerên ciwanan ên pêkhateyên cuda yên herêmê re bi yek dest û yek dil bin. Ji bo çareserkirina pirsgirêkên ku kategoriya ciwanan eleqedar dikin, ciwan dê cihê xwe di asta herî pêş de bigrin.
Piştre pêşandaneke muzîka Suryanî hat pêşkêşkirin. Di heman demê de girêdayî ciwanên Suryanî di cîhanê û welat de senefizyon a ji axaftina serokê Rêxistina Suryaniyan Mîşêl Hedad hat pêşkêşkirin.
Di dawiyê de jî rêziknameya hundirîn a Yekîtiya Ciwanên Suryanî hate xwenidin, guhertinên ku di rêziknameyên tevgerê de hatine çêkirin, hatin pejirandin û meclisa ciwanan hate diyarkirin. Komîteya rêveber a ku dê 2 salan tevgerê bi rê ve bibe û hevserokatiya tevgerê jî hatin hilbijartin.