Konfiransa 8’emîn ya TEV-ÇAND’ê

Ayşa Silêman/Qamişlo
TEV-ÇAND`ê konferansa xwe ya 8’emîn li bajarê Qamişloyê bi dirûşmeya ” Em bi ruhê gel ê Şoreşgerî azadiya fizîkî ya Rêber Apo pêk tînin û çanda Neteweya Demokratîk ava dikin” lidarxist û wê konfirans du rojan berdewambike.
Îro di demjimêr 10’an de TEV-ÇAND’ê konfiransa xwe ya 8’emîn li Navenda Çand û Hunerê ya Mihemed Şêxo li bajarê Qamişlo bi tevlîbûna hemû saziyên ku di bin sîwana TEV- ÇAND’ê yên li Heleb û kantona Şehba, Firatê û Cezîrê lidarxist. Herwiha gelek mêvan jî tevlî konfiransê bûn wek; Rêveberiya Xweser, Meclisa Malbatên Şehîdan, TEV-DEM û Ciwanên Şoreşger jî tevlî konfiransê bûn.
Konfirans bi xuleyek rêzgirtin li ser giyanê şehîdan dest pê kir û peyre dîwana konfiransê ji 8 kesan hate hilbijartin. Axaftina destpêkê ji aliyê hevseroka TEV- ÇAND’ê ve hate kirin, peyre jî li ser navê Rêveberiya Xweser Telet Yûnis axivî. Piştî axaftina Rêveberiya Xweser perespektîfên Rêbertî girêdayî çandê hatin xwendin. Herwiha sinifizyonek li ser kar û xebatên du salan ji aliyê TEV-ÇAND’ê ve hatine meşandin hate pêşandan. Pitşî wê nirxandin li ser rewşa çandê hate kirin û kesên ku bi di civînan de hatîn hilbijartin da ku bibin hevserokê kar û xebatan ji bo fermiyeta vê hilbijartinê ev yek jî di konfiransê de wê ev hevserok di konfiransê bi rengekî fermi were erêkirin. Hevseroka giştî ya meclisa TEV-ÇAND’ê di konfiransê de hate hilbijartin û bi gotina dawî ya TEV-ÇAND’ê roja yekemîn a konfiransê bi dawî bû. Wek her sal çand û huner xwe avadike û bi rêxistin dike, bi riya vê rêxistinê îsal xweset xwe bighîne civaka Kurd bi giştî, xwe li gorî Hevpeymana Civakî ya ku hatî erêkirin wê xwe bi rêxistin bike û bikaribe di aliyê abûrî, civakî û jiyanî de rêxistina xwe avabike.
Têkildarê konfiransa 8’emîn ya TEV- ÇAND’ê hevseroka TEV- ÇAND’ê Sûmeya Mihemed bi hestekî geş bi xêrhatina hemû mêvanan kir û diyar kir ku konfiransa me diviyabû ku di Berfanbara 2023’an hatiba li darxistin, lê ji ber rewşa heyî du mehan Konfirans hat paşxistin û wiha got: ” Ev serkeftineke mezine ji me re ku tevî rewşa ku herêma Bakur û Rojhilatê Sûrî têre derbas dibe jî, me konfiransa xwe li darxist. Di serî de em vê konfiransê li Rêber Apo û hemû Gêrîleyên azadiyê pîroz dikin, xwestek û armanca me ew bû ku hin kesên ji derveyî welat jî tevlî vê konfiransê bibin, lê PDK’ê derfeta hatina wan neda. Lê tevî vê yekê jî hin ji wan gelek zor û zehmetî dîtin û karîn werin û tevlî konfiransê bibin. Bila her kes zanî be Huermend neynika Civakê ne û bi riya wan êş, kêf û derdê civakê tê naskirin. Çiqas êrîş li ser me wein kirin jî em ê çand û hunera xwe pêşbêxin û biparêzin û fikrê Rêber Apo pêk bînin, ji ber ku Rêber Apo parazvanê çand û hebûna civakê ye û bi saya fikir û remanê wî em îro bûne xwedî çandeke resen û berxwedêr.”
Li ser navê Rêveberiya Xweser jî Telet Yûnis axivî û wiha got:” Di serî de li ser navê Rêveberiya Xweser em 8’emîn konfiransa TEV-ÇAND’ê li tevahî xebatkar û endamên konfiransê pîroz dikin û em vê konfiransê li şehîdên tevgera çandê yên ku herdem di vê tevgerê de pêşengrî kirin û çanê xwe vedakirin ji bo azadiya welat li wan pîroz dikin. Ev konfiransa ku divê qonaxê de tê li darxistin, encama ked û xebatên ku bi salane ji bo parastina çanda ku hertim dijminê gelê Kurd êrîşî wê dike û dixwaze wê qirbike ye. Ji ber wê yekê divê di vê qonaxê de bi rihekî berpirsiyartî û bi rihê şerê gelê Şorşgerî asta xebat û tekoşîna xwe ji bo parastina çandê tê kirin were bilind kirin û bi biryardariyeke hîn xurtir kar û xebat were meşandin .”