Emîna Mihemed /Qamişlo
Rêvebera Desteya Jin ya kantona Cizîrê Evîn Paşo diyar kir ku ji bo parastina pergala Rêveberiya Xweser wê gelên herêmê her dem di nava têkoşînê de bin û got, Rêveberiya Xweser hêviya gelên herêmê ye.
20`ê Çileyê salvegera 10’an a damezirandina Rêveberiya Xweseriya Demokratîk a Herêma Cizîrê ye. Ev rêveberî ya yekemîn e ku li Bakur û Rojhilatê Sûriyê hate avakirin. Bi serhildana gelan li Sûriyê ku Adara 2011’an hat destpêkirin, lê di demeke kurt de ji xeta xwe derket û ket xizmeta berjewendiyên hêzên dagirker û faşîst de. Piştî wê li Rojava û bakur û rojhilatê Sûriyê şoreşa gelan a 19’ê Tîrmehê dest pê kir. Herwiha Rêveberiya Xweser hat damezrandin.
Di derbarê 10’emîn salvegera damezrandina Rêveberiya Xweser ya herêma Cizîrê Rêvebera Desteya Jin ya kantona Cizîrê Evîn paşo ji rojnameya me re axivî.
Evîn Paşo 10‘emîn salvegera damezrandina Rêveberiya Xweser a Cizîrê li gelên herêmê pêroz kir û wiha got: “Em salvegera damezrandina Rêveberiya Xweser li tevahî gelên xwe bi taybet malbatên ku perçek ji kezeba xwe diyarî şoreşê kirin ji malbatên Şehîdan re pîroz dikin. Em 10 sal ji tekoşîn û berxwedanê li du xew dihêlin, em pîrozbahiya sala xwe ya 10’emîn bi dirûşmeya’Bi rihê gelê şoreşger em ê dagirkeriyê têk bibin û şoreşa xwe biparêzin, pêşwazî dikin. Ev helwesta ku li hemberî zihniyeta ku dixwaze îrada gelan têk bibe li hemberî sîstema desthiladar ya ku dixwaze xaka me dagirker bike, li hemberî kesên ku dixwazin şoreşa me têk bibin îro sekina gelên kantona Cizîrê bi vê dirûşmeyê vê mesaj dide ku piroja Netewa Demokradîk ya ku wekî çareserî ji aloziya Surî û tevahî aloziyên Rojhilata Navîn re dibe wekî bersiv û çareserî, îro bi sekina xwe, xwe isbat dikin ku ji bo parastina vê rêveberiyê , pêkanîna vê pirojeyê wê her di nav tekoşînê de bin. ”
‘Rêveberiya Xweser hêviya gelan e’
Evîn da xwiyakirin ku sîstemên dsethiladar yên ku li dijî azadiya jin û civakê kar dikin, di riya hilweşandinê de ne û wiha axivî: “Bi riya ciwanên nerîxistinkirî dixwazin keleha xwe ya desthiladariyê mezin bikin û li ser esasê ferq û cûdahiya di navbera gelan de, bîr û baweriyan de, netewan de û di navbera partiyên siyasî de sîstema xwe ya desthiladariyê mezin dike û xwe wekî çareseriyê nîşan bide. Li dijî desthilatdariyê pergala Netewa Demokratîk di nava gelên herêmê de belav bû . Ev piroje dibêje divê her kes bi rengê xwe, ala xwe, zimanê xwe, bîr û baweriya xwe jiyan bike, herwiha bi fikirê jina azad ku li hemberî sîstemê desthiladar têkoşîn dike , kar û xebat bê kirin. Herwiha Rêveberiya Xweser hêviya gelane, dengê hemû gelên Rojhilata Navîn yên ku bi hezarên salan bi koletî jiyana xwe dikirin, ji bo vê jî îro mesaja me wek Rêveberiya Xweser wekî gelê herêmê di vê sekina rûmetê ya ku îro em li vir kom bûne û vê mesajê didin.”
‘Berxwedan Jiyan e’
Rêvebera Desteya Jin ya kantona Cizîrê Evîn Paşo di dawiya axaftinên xwe de wiha got: ” Eger dewleta Tirkî çiqasî bi hêza xwe tang û topên xwe êrîşî gelê me bike û êrîşî saziyê me yên xizmetguzariyê me bike yan jî êrîşî xaka me bike, em ê li ber xwe bidin. Ji bilî felsefeya Berxwedan Jiyane li pêşiya me tu rê tuneye, em Karin di tarîtiya şewqê de jiyan bikin lê em nikarin di tarîtiya fikir de jiyan bikin, em Karin bê av jiyan bikin, lê em nikarin bê rûmet jiyan bikin, îro sekina rûmetê ya gel bersiva hemû êrişan e.”
