Birûc Resûl/Qamişlo
Cîgera Hevserokatiya Desteya Rêveberiya Herêmî ya Cizîrê Bêrîvan Omer diyar kir ku wan civîna xwe ya salê bi gelek encamnameyan bi dawî kirin. Biryareke sereke ji wan biryara jî ew bû ku bi awayekî aktîf beşdarî tevahî çakakiyên ji bo pêkanîna azadiya fîzîkî ya Rêber Abdullah Ocalan bin.
Desteya Rêveberiya Herêmî ya Kantona Cizîrê li hola Şito ya bajarê Hesekê bi beşdariya 200 deleqeyên ji meclis, rêveberî û desteyên herêmî yên kantona Cizîrê di 7`ê çileya 2024`an de civîna xwe ya salê li dar xistin. Her wiha di civînê de gelek biryar hatin girtin û erêkirin.
Di derbarê Civîna salana ya Desteya Rêveberiya Herêmî a Kantona Cizîrê, bernema û biryarên ku hatine girtin, cîgira hevserokatiya rêveberiya herêmî a herêma Cizîrê Bêrîvan Omer ji rojnameya me re axivî.
Bêrîvan Omer da zanîn ku civîna Desteya Rêveberiya Xwecihîn gelek xal û biryarên giring girtin û wiha got: “Civîna Desteya Rêveberiya Xwecihî di 7`ê Çileya 2024`an de li bajarê Hesekê hat li darxistin. Civîn her sal tê li darxistin, ji bo nirxandina kar û xwebatên salekê bû, bi tevlî bûne hemû şaredariyên li Kantona Cizîrê yên ku hejmara wan57`in civîn birêve çû. Civîn bi rewşa siyasî hat detpêkirin û li ser asta cihanî û bi taybet jî êrişên dewleta Tirk a dagirker li ser herêma Bakur û Rojhilatê Sûriyê hat rewş û geşedanên heyî hatin nirxandin. Di civînê de raporên salana hatin xwendin, kar û xebat, pirojeyên ku hatin pêk anîn, pirojeyê ku ne hatin bêk anîn. Her wiha pirojeyê ku ji bo demên pêş hatina hazir kirin û zehmetiyên ku di sala 2023`an de derketin pêş, li ser wan nîqaş û nerxandin hatin kirin û ji bo raprên wan pêşinyar hatin kirin, de ku di sala 2024`an de bi awayekî xurtir û aktîf tevgerîn çêbibe û biryarên nû û girîng di vê derbarê de hatin girtin.”
Zehmetiyên sala 2023`an
Berîvan di berdewamiya axaftina xwe de wiha got: “Zehmetiyên ku di sala 2023`an de derketin pêşiye me, herî zêde êrişên dewleta Tirk a dagirker li ser herêma Bakur û Rojhilatê Sûriyê ye, bi taybet di demên dawî de binesaziyên herêmê dike armanc. Ji ber vê yekê hin pirojeyên me hatin rawistandin, me giringî da cihê elektirîkê û avê da ku gel ji wan qut nebe. Armanca dewleta Tirk a Dagirker ewe ku bi riya armanckirina binesaziyên herêmê, gelê kurd koçber û qirbike, lê îradeya me mezintire ji êrişên dagirkeriya Tirk û faşîzma wê. Hewldana me ye sereke ewe ku av û elektirîkê ji gel re hîn zêdetir peyda bikin û di vî warî de pêwîste tevdîrên me hebin. Ji ber êrişan me gelek zerer dît û vê yekê bandora xwe li ser tevahî kar û xebatê me kir û me di vî warî de gelek zehmetî kişandin, heyanî ku me careke din henek ji van saziyan careke din kirin xizmeta gel de. Di heman demê de em dikarin bêjin ku ji sedî 90 pirojeyên me hatin pêk anîn û pirojeyên me yê ku hatin rawistandin jî em hewildidin ku wan di dema pêş de temam bikin.”
Bernama û biryarên ku hatin girtin
Bêrîvan Omer diyar kir ku di sala 2024`an de ewê bi hewldanekî mezin pirojeyên xwe pêk bînin û wiha got: “Piroje û Bernameyên me yên ku di civînê de hatin erêkirin û ragihandin ev in:
– Beşdariya aktîf di tevahî çalakiyên ji bo azadiya fîzîkî ya Rêber Abdullah Ocalan.
– Ji bona pênasîna zagonên şaredariyan wê ji bona gel civîn werin lidarxistin.
– Bi hevkariya komînan wê xebat li ser pêkanîna hemleya ji her welatiyekî re darek bê çandin were kirin.
– Şaredarî di tevahî xebatên xwe de wê li gorî Hevpeymana Civakî tevbigere-
– Hejmara jinan di şaredariyan de were zêdekirin ku wekheviya zayendî pêk bê.
– Xebat li ser pêkanîna planên şaredariyan ên 2024ˊan bê kirin.
– Ji bo Pirojeya Avê ya Amûdê heya Hesekê li ser were kar kirin.
– Li gorî Hevpeymana civakî ya nû xebat li ser pêkanîna pergalên nû yên şaredariyan were kirin.
Bêrîvan Omer cîgira hevserokatiya rêveberiya herêmî a herêma Cizîrê wiha dawî li axaftina xwe anî: “Hewildana me ji bo pirojeyên sala 2024`an ku bi awayekê rêk û pêk em karibin pêk bînin. Her wiha pirsgirêkên gel yên girêdayê şaredariyê çareser bikin. Em bi hêvîne ku di vê derbarê de gel jî bi me re bibe alîkar. Ji ber ku ev welat ê me hemiyane û pêwîste ku her kes xwe perbisiyar bibîne û herêmê bi parêze.”
