Birûc Resûl/Qamişlo
Malbata Şehîd Hisên Ehmed ku di 25`ê Beefenbara 2023`an de, di êrişa dewleta Tirk a dagirker de li çapxaneya Sîmav ya bajarê Qamişlo şehîd bû destnîşan kir ku ew bi şehadeta kurê xwe serbilindin û gotin, em xwediyên xak û doza rewa ne û em ê hesab ji dijmin û xayînana bipirsin.
Di 25`ê Berfenbara 2023`an de balafirên bêmirov ên dewleta Tirk a dagirker komeke karmendên ku li çapxaneya Sîmav de kar dikirn kir in hedef, di encamê de 6 karkerên çapxanê şehîd bûn. Yek ji wan şehîdan jî Hisên Ehmed e. Hisên di sala 1983`an li Şamê ji dayik bûye û birayên wî tune ne, herwiha piştî temenî wî mezin bû, zewcî û 3 zarokên wî çêbûn. Hisên ev 13 sal bûn ku i bo ku di çapxaneya Sîmav de kar dikir Lê di êrişa dewletaTirk a dagirker de ya 25’ê Berfanbarê, li çapxaneya Sîmav şehîd bû.
Di derbarê kesayet û jiyana Şehîd Hisên Ehmed Dayika wî Neziha Yûsif û Bavê wî Ehmed Hisên ji rojnemeya me re axivîn.
Êşeke nayê jibîrkirin
Neziha Yûsif dayika Şehêd Hisên Ehmed diyar kir ku ew hê jî li deriyê mala xwe temaşe dike û li benda vegera kurê xwe ye û pî da çû: “Ev 13`e sal in Hisên li çapxaneya Sîmav kar dikir, yek ji rêveberên wê bû. Hisên xortekî bi exlaqê xwe yê baş dihat naskirin, her wiha tu pirisgirêkên wî bi tu mirovî re tune bû, pir ji karê xwe hezdikir. Beriya şehadetê bi rojekî, hat gel min dixwest ku rewşa min bipirse, dema ku çû û xatir ji min xewst ew bi kêf û eşq bû, lê min hîskir ku ev xatirxwestin ne wekê her carê ye, min xwe iqnah kir ku tiştek tune ye, lê min nezanîbû ku ev xatirxwestina dawî ye, xweziya min wî di himêza xwe de girtiba û derneketiba kar. Birayê hisên tune ne, ji ber vê yekê ji bo me bav û dayik bû. Wî dayik, bav, xuşk, hevjîn û zarokên xwe li peyî xwe hiştin û çû. Hisên şehîdê kurdistan û rûmetê ye û tu carî namire.”
‘Em xwedî xak û doza rewa ne’
Neziha Yûsif bal kişand li ser armancên dewleta Tirk a dagirker û wiha got: “Ev ne cara yekê ye ku dewleta Tirk a dagirker komkujiyeke wiha pêk tîne. Dewleta Tirk zarokên me sêwî dike û komkujiyan pêk tîne. Armanca dewleta Tirk jî zelal e, koçberkirina me ye. Dewleta Tirk a dagirker nikare îradeya me ya xurt têk bibe. Em xwedî xak û doza rewa ne. Em ê hesab ji xayînên tevkariya bi dewleta Tirk re dikin bipirsin. Em xwîna zarokên xwe ji wan re nahîlin. ”
‘Em ê heta dawiyê li ber xwe bidin’
Di heman çarçoveyê Ehmed Hisên Ehmed bavê şehîd Hisên da zanîn ku şehîd Hisên bi wijdan kar dikr û wiha got: ” Hisên di Çapxaneya Sîmav de wekî rêveberî cihê xwe digirt, bi awayekî rast kar bi rêvedibir, bi wijdan kar dikir, seata ku dihat male jî mêjiyê wî li ser karî wî bû. Îro piraniya herêmên erdnîgariya Kurdistanê ji aliyê dewleta Tirk a dagirker ve tên hedefkirin. Her wiha sivîl, saziyên xizmetguzarî û nexweşxane jî tên hedefkirin, ev binpêkirina tevahiya zagon û pîvanên mirovahiyê ye. Êdî bila dijminê me yê hov baş bizane ku gelê herêmê planên wê baş nas dike û xaka xwe bernade. Em ê heta dawiyê li ber xwe bidin. Banga me ji bo hemû rêxistinên mafê mirovan re heye ku êdî bese ji bêdengiya wan re, divê ew bi erkên xwe yên mirovî û exilaqî rabin.”