Dilyar Cizîrî
Rojnamevan û Edîtorê Beşê Erebî yê Ajansa Roj news Silêman Ehmed ev zêdeyî 70’î roj in ji aliyê desthiladariya PDK’ê ve hatiye revandin. Tevî Komîteya Parastina Rojnamevanan (CPJ) û Rêxistina Nûçegihanên Sînornenas )(RSF) jî di nav de gelek sazî û dezgehên herêmî û navdewletî ji hikûmeta Başûrê Kurdistanê daxwaz kirin, Ehemed di zûtirîn dem de serbest were berdan û aqûbeta wî were zanîn. Wan saziyan hikûmeta Başûrê Kurdistanê bi binpêkirina zagonên navdewletî û zagonên mirovî tewambar kirin.
Lê rayedarên PDK’ê xwe wekî ne bihîstî û ne dîtî dike û hîn jî mafê xweparastinê ya li gorî qanûnê Iraq û Başûrê Kurdistanê jî nade Silêman Ehmed, rê nayê dayîn ne parêzer û ne jî malbat serdana Silêman bikin. Bi vê jî PDK’ê hemû exlaq û qanûnên mirovahiyê derbas dike.
Li vir ez wekî hevalekî Silêman ê nêz ku me di Efrînê de bi hev re kar kiriye, ji rayedarên PDK’ê pirs dikim, Silêman çi sûcên derveyî qanûnî li Başûrê Kurdistanê pêk aniye?. Mane Silêman piştî dagirkirina Efrînê li Başûrê Kurdistanê bi awayekî fermî li Başûrê Kurdistanê jiyan dike. Niha çi hatiye bîra we hûn wî bi tewana û îdayên ne di cih de wî bin çav bikin?. Ya din jî ev çi sîsteme rê nede parêzer û malbatan serdana girtiyên xwe bikin?
Heger hûn rast di bûyera revandina Silêman de bi heq in, bersiva parêzer û malbatê bidin û bêjin me Silêman ji ber van sûcan girtiye. Di Kurdistanê de tu carî endametiya PKK’ê ne bû ye sûc, berûvajî heger tu ji xelkên Şengal û Kerkûkê pirs bikî, ew ê bi pisporî cûdahiya di navbera PDK û PKK’ê de bîne ziman. Ew ê yekser bêjin hemû cihên çekdarên PDK’ê xelkên wê bi mirinê re rû bi rû hiştin, gêrîlayên PKK’ê bi fedekariyek mezin ji wan şer kirin û canê xwe feda kirin.
Lê xweş diyar dibe, revandina Silêman bi 2 armancan pêkhatiye ya yekem û herî kampax razîkirina dewleta Tirk û istxbaratên wan e, ya duyemîn jî tirsandina xebatkarên Roj news û astengkirina xebatên wê ye. Ji ber Roj news yekem saziya Başûrê Kurdistanê ya nûnertiya xeta ragihandina Azad dike. Bi nûçe û raporên xwe rastiya rayedaran û gendeliya bi destê wan tê kirin bi raya giştî ya Başûrê Kurdistan û tevahî Kurdistanê aşkere dike.
Bi astengkirina Roj news hêvî dikin ku dê hemû xebatên ragihandina azad bê bandor bikin. Lê em xebatkarên ragihandina azad ji rayedarên PDK’ê yên çarenûsa Silêman Ehemed di destê wan de ye, re dibêjim bela ji xizmeta dewleta Tirk vegerin û tenê daxuyaniyên wa yên dema refiranduma Kerkûkê ya sala 2017’an bi bîra xwe ve bînin. Di heman demê de bela rewşa herêmên Bakur û Rojhilatê Sûriyê yên dagirkirî li ber çavên xwe bibînin. Mane Silêman Ehmed ji Efrîna dagirkirî hate koçber kirin. Mane çeteyên dewleta Tirk di mala Silêman û bi sedhezaran malbatên Efrîn û Serêkaniyê yên dagirkirî hatine bi cihkirin.
Ev rastiya dewleta Tirk lazime PDK’ê bi hemû rayedarên xwe ji xizmeta dewleta Tirk derkevin, rastî jî eve, heger dernekeve wê dîrok bi temamî wan ji nava xwe bavêje.
