Ronaz Silêman/Qamişlo
Bi hezaran şêneyên kantona Qamişlo şehîd Ciwan Elî yê ku di encama êrişa dewleta Tirk a dagirker ya li dijî Çapxaneya Sîmav a li bajarê Qamişlo de Şehîd bû, li Goristanan Şehîd Delîl Saroxan oxir kirin.
Şêniyên bajarê Qamişlo bi tevlîbûna hemû pêkhate, partiyên siyasî, saziyên civaka sivîl, tevgerên jinan, nûnerên Rêveberiya Xweser bi merasîmeke girseyî şehîd Ciwan Elî yê ku di encama êrişa dewlet Tirk a dagirker ya li ser Çapxaneya Sîmav a bajarê Qamişlo birîndar bibû û ji ber rewşa wî ya giran şehîd bû, îro li Goristana Şehîd Delîl Saroxan spartin axê.
Merasîmê şehîd bi deqeyek rêzgirtin li ser giyanê şehîdan 
dest pê kir, herwiha wesîqeya şehîd Ciwan Elî û Aya Mihemed her dû şehîdan radestî malbatên wan hat kirin.
Piştre li ser navê Saziya Malbatê Şehîdan Ebêd Etê axivî û wiha got: “Êrişên dewleta Tirk a dagirker yên neexlaqî bi 10`ê salan berdewam dike, di dema ku cîhan hemû kar xwe dikin ji sersala nû, hemû derfetên şahiyê dafirînin, Rojava û Herêma Bakur û Rojhilatê Sûriyê rastî êrişên hovane û bê exlaqî tên.”
Piştî wê li ser navê Kongira Islama Demkratîk ji aliyê Şêx Casim axivî û wiha got: “Şehîd ew sitêrika li ezimane, bi rûmetî gihaştin asta şehadetê. Şehîd ew in e ku rûmeta me diparêzin, herwiha jiyaneke hevbeş ji bû me avadikin.”
Piştre li ser navê malbata şehîd Ciwan, Daliya Henan axivî û wiha got: “Îro em her kes dibîn êrişên ku li ser Herêma Bakur û Rojhilatê Sûriyê tên kirin bêexlaqîne, di şerê Efrînê de bi hezaran gelê Efrînê rastî êrişên giran û hovane hatin, ji ber wê jî bi hezaran gelê Efrînê neçar man dev ji cî û warê xwe berdin, yek ji wan jî malbata şehîd Ciwan bû. Lê dagirkeriya Tirk ew li vir jî kir hedef û şehîd bû.”
Herwiha dayîka şehî Ciwan, Şêrîn axivî û wiha got: “Ez soz didim ji bo tola ciwan rakim, ezê jiyan bikim.”
Herwiha li ser navê malbata şehîd Aya ev axaftin hat kirin: “Silav û rêz ji bo Rêber Apo, şehîd ew e yê ku hêzê didin jiyan me. Dewleta Tirk a dagirker rojane ciwanên me şehîd dixin, hemû çavkaniyên jiyanî wêran dikin, banga me ji dewletên navnetewî ku dengê xwe bikin li hemberî van êrişên hovane û qedexeya balafiran li ser asîmanê me deyin in.”
Di dawiya merasîmê bi silogana şehîd namirin, girseya gel cenazeyê şehîd Ciwan Elî rakirin ser milan û spartin axê.
