Li dijî êrîşên dagirkeriya Tirkiyê yên li ser herêma Bakur û Rojhilatê Sûriyê bi serpereştiya Kongira Star ya kantona Efrîn û Şehbayê xwepêşandaneke girseyî hat li darxistin.
Zana Roj/ Şehba
Li herêma Şehbayê ji aliyê Kongira Star
ya Kantona Efrîn û Şehbayê ve çalakiya xwepêşandanê li dijî êrişên dagirkeriya Tirk yên li ser tavahî herêma Bakur û Rojhilatê Sûriyê tên pêk anîn, hat li darxistin.
Di çalakiyê de bi dehan ji tevgerên jin yên li herêmê û jinên sazî, meclîs û partiyan de cihê xwe digirin amede bûn. Çalakiya xwepêşandanê bi deqeyek rêzgirtin hat destpêkirin, her wiha axaftin ji aliyê Saziya Malbatên Şehîdan, Kongira Star, Meclîsa Jin a PYD ê û Jinên Ciwan ve hatin kirin.
`Faşîzma Tirk tîk çûye lewra êrişî kurdan dike’
Endama Saziya Malbatên Şehîdan Emîna Osman di axaftina xwe de anê ziman ku dagirkeriya Tirkiyê di encama têkçûnê de destdavêje Rojavayê Kurdistanê û wiha domand: “Dagirkeriya Tirkiyê di van demên dawî de hilweşîn û têkçûnên herî mezin li hember Tevgera Azadiyê li herêmên Parastina Medyayê jiyan dike. Hêvî û xeyalên qirkirina gelê Kurd her car ters dizivire û ev gel roj bi roj serkeftinên pîroz qezenc dike. Ji lewra tavahî faşîzma Tikriyê ketiye nava hêrs û tevgerê, bi êrişên xwe yên li ser gelê Kurd dixwaze xwe careke din bi hêz nîşan bike. Lê têkçûna wê ji tavahî cîhanê re diyar bûye”.
`Êrişên dagirkeriyê sivîlan hedef digire`
Endama Meclîsa PYD’ê Wehîda Xelîl destnîşan kir ku êrişên dagirkeriya Tirk ne rewa ne û wiha pê de çû: “Faşîzma Tirkiyê her car di êrişên xwe de di asta yekemîn de sivîl û zarokan digire hedef her wiha binasaziya herêmê ji hemû aliyan ve armanc dike. Li zagonên navneteweyî ev êrişên ku derheqê sivîl û herêmê de tên kirin ne rewa ne û divê berteka hêzên navnetewî bê derketin. Berxwedaniya ku ji aliyê gelê Kurd û pêkhateyên li herêmên Bakur û Rojhilatê Sûriyê û tavahî Kurdistanê tê raber kirin. ji hemû cîhanê re îsbata îrada û asta berxwedana gel e.”
