Birûc Resûl/Qamişlo
Ji bo 6 welatiyên ku di encama êrişên dagirkeriya Tirk de li bajarê Qamişlo şehîd bibûn, merasîma sersaxiyê li stada şehîdên 12`ê Adarê ya bajarê Qamişlo hat li darxistin û bi 100’an welatiyên bajar beşdar bûn.
Ji bo şehîd Bêrîvan Mihemed, Riyad Hemo, Hisên Ehmed, Rênas Hisên, Ferhan Temê û Ferhan Xelef ên ku di 25`ê Berfenbara 2023`an de li bajarê Qamişlo di encama êrişên dewleta Tirk a dagirker şehîd bûn, merasîmê sersaxiyê li Stada Şehîdên 12`ê Adarê ya li bajarê Qamişloyê hat lidarxistin.
Bi beşdar bûne endamên Tevgera Civaka Demokratîk TEV-DEM, Partiya Yekitiya Demokratîk PYD, Kongra Star, Kongra Îslama Demokratîk û nûnerên Rêveberiya Xweseriya Demokratîk a Kantona Cizîrê û şêniyên Qamişloyê merasîm hatin li dar xistin.
Merasîm bi deqeyeke rêzgirtin li ser giyananê şehîdan hat rawistandin. Piştre endamê Meclisa Malbatên Şehîdan a bajarê
Qamişlo Mehiyedîn Hesin axivî û diyar kir ku axaftin têra şehadetê nake û ew bi axaftinê ti carî nikarin mafê şehîdên xwe bidin û wiha pê de çû: “Hebûna me bi saya şehîdên me ye, tenê bi pêkanîna soza berdewamkirina rêya şehîdan em dikarin mafê şehîdên xwe bidin wan. Her wiha ber her dem dijmin bizanibe ku tu carî naşike û emê pilanên dijmin têk bibin.
Di heman çarçoveyê li ser navê Rêveberiya Xwerser Telet Yunis axivî
û sersaxî ji bo hemû malbatên şehêdan re xwest û şîfaya acil ji bo birîndaran xwest, herwiha da zanîn ku ew ê berxwedan û tekoşîna xwe li hemberî van êrişên dewleta Tirk a dagirker wê mizin û bilind bikin.
Di heman demê de li ser navê Tevgera civaka Demokiratîk TEV-DEM
Xerîb Hiso axivî û wiha got: “Banga me ji bo Rêxistinên mafê mirovan heya ku êdî li hember van êrişên dewleta Tirk a dagirker yên bi belafirên bêmirovî rawistin û bi êrkên xwe yên exilaqî rabin.”
Merasîma sersaxiya şehîdên Qamişlo bi slogana ‘Şehîd Namirin’ bi dawî bû.