Desteya Tenduristiyê û xebatkarên nexweşxaneya Avrîn ya herêma Şehbayê, bi daxuyaniyekê êrişên dewleta Tirk a dagiker yên li dijî herêma bakur û rojhilatê Sûriyê, bi taybet hedefgirtina nexweşxane û navendên tendirustiyê şermezar kir.
Zana Roj/ Şehba
Îro li herêma Şehbayê, ji aliyê Desteya Tenduristiyê û xebatkarên nexwşxaneya Avrîn, li dijî êrişên dagirkeriya Tirk yên li ser herêma bakur û rojhilatê Sûriyê daxuyaniyek hat dayîn.
Bi dehan kadroyên tenduristiyê li nexweşxaneya Avrîn kom bûn û daxuyanî jib o raya giştî hat dayîn. Daxuyanî bi zimanê Erebî ji aliyê endamê Desteya Tenduristiyê ve Telet Welo û bi zimanê Kurdî ji aliyê Bêrîvan Yûsêf ve hatin xwendin.
Di daxuyaniyê de hedefgirtina sivîl, binesazî û navendên tendirustiyê ku ji ialiyê dagirkeriya Tirk ve tê kirin, hat şermezarkirin û daxuyanî wiha bû:
Rêjîma Tirk a faşîst topbarana xwe ya hovane li dijî herêmêb Bakur û Rojhilatê Sûriyê hemwextî lidarxistin şahiyên mezheba Xirîstiyanî di cejnên sersal û zayînê de dest pê kir, hemû binesaziya herêmê û dezgehên jiyanî yên weke elektrîk, gaz, bîrên petrolê, nexweşxane, nanpêj û depoyên genim armanc dike û bi dehan sivîlên bê guneh hatin kuştin. Armanc ji vê êrîşê koçberkirina niştecihên resen û vekirina derfetê ji vegera çalakiya rêxistina DAIŞ’ê ya terorîst û desteserkirina herêmên berfireh û rûxandina herêmên ku Rêveberiya Xweser bi awayekî sîstematîk ewlehî û aşîtî li herêmên xwe pêk anî û wê bi rêve dibe ye.
Ev sûcên ku rêjîma tirk pêk tîne sûcên li dijî mirovahiyê ne, ji ber ku şerên qirkirinê li dijî gelê aştîxwaz dike, ev yek jî ji nîşaneyên pilanên Erdoxan ên paşverû ne, vê yekê û pêxistina dewleta tirk çirûskên şer li dijî cîranên xwe yên li derve ji bo mijûlkirina gelê xwe ji binkeftina xwe û binkeftina polîtîkayên xwe di hundir de dike. Armancên Erdoxan ji topbarana xwe ya nû li ser herêmên Bakur û Rojhilatê Sûrîyeyê êdî zelal bûn û ya ku piştî dawîbûna peymana civakî rûdaye û ya ku li ser asta Bakur û Rojhilatê Sûrîyeyê û bi tevlîbûna cur be cur ji aliyan û ya ku azadî, wekhevî û demokrasî ji xwe re bingeh girt ku di nava xwe de jiyaneke bi wate ya hemwelatî dihewîne, bê ku netew, Ol û mezheba wî were berçavgirtin û wê ev peyman girîngiyeke xwe ya zêde di pêşerojê de hebe û wê bidestxistina destkeftîyên giranbuha ji hemû gelê Sûrîyeyê re misoger bike û ev yek jî metirsîyeke rasterast li ser berjewendiyên faşîzma tirk çêdike Bi berdewamkirina kampaniyeya cîhanî ku li cîhanê dest pê kiriye, da ku bi lez Rêber Apo bê rizgarkirin û çareseriyeke siyasî ji pirsgirêka Kurd re were dayîn, nexasim têkçûnên ku dewleta tirk li ser destê gerîla jiyan kirine, hişt ku dewleta tirk zêdetir hov bibe û li beramberî kurdan li her deverê bi kîn û nefret be û bi taybet li Rojava.
Em jî weke karmendên di beşa tenduristiyê de ya Kantona Efrîn û Şehbayê bêdengiya navdewletî şermezar dikin û ji hemû hêzên navdewletî, deste,rêxistinên mafên mirovan û rêxistina tenduristiya cîhanî daxwaz dikin ku bi rola xwe ya mirovî û exlaqî li beramberî sûcên ku rêjîma tirk bi topbarana xwe ya li dijî nexweşxane û navendên bijîşkiyê û bi taybet li dijî bijîşkên bê sînor a li Kobanê pêk tîne rabin. Şerm ji sîstema tirk a xwînmij re.”
