Birûc Resûl/Qamişlio
Hevseroka Desteya Tendrustiyê ya Herêma Cizîrê Hediya Abdullah diyar kir ku wan di nava salekê de gelek kar û xebat dane meşandin û pirojeyên girîng pêk anîn. Herwiha da xuyakirin ku wan herî zêde zehmetî di milê peydakirina dermanan de, dît.
Desteya Tendirustiyê her sal li gorî hewcedariya herêmê di milê tendirustiyê de gelek pirojeyan dide pêş xwe. Her wiha li gorî derfetên heyî, di milê tendirustiyê de ji bo gelên bakur û rojhilatê
Sûriyê kar û xebatên cûr bi cûr dide meşandin. Di heman demê de ji pêşxistina milê tendirustiyê gelek pirojeyên girîng yên ji bo xizmeta gel pêk tîne.
Dxesteya Tendrustî her sal pirojeyên nû didin pêşiya xwe li ser bingiha pêwîstiya gel bi tendrustiyê, mînak berî niha amûrên renîn mexnatîzî tune bûn, lê berî sê salan hat peydekirin, her wiha nexweşxaneya şiştina gurçikan ew jî tune bû, berî 4 salan ew jî hat vekirin, ev yek jî li gor pêwîstî û daxweaza gel bû. Di heman demê de ji ber ku pêwîstî bi kargiha oksîjênê hebû, ew jî hat vekirin. Beriya wê oksejenpir kêm di nava nexweşxaneyan de dihat belavkirin, têra şêneyan jî nedikir, her wiha derfetên gel tune ye ku derbasî nexweşxaneyên Taybet bibin, ji ber ku nirxên tedawiyê pir buha bû û zihmetî didîtin.
Pirojeyên Desteya Tendrustî yên 2023`an de
Yek ji pirojeyên Desteya Tendrustiyê, danîna amûrên mamogirafî li nexweşxaneya bajarê Hesekê ji bo tesbîtkirina penceşêra sîngê li cem jinan. Berî niha li her du kantonan amûrek tenê hebû, her wiha Desteya Tendrustiyê li kantona Hesekê yek din jî zêde kir. Yek ji pirojeyên Desteya Tendrustiyê yên 2022`a jî vekirina nexweşxane li bajarê Şedadê bû, ji ber ku li derdora Şedadê tenê nexweşxaneyên taybet hebûn têra Şedadê û gundewarên wê nedikirin. Ji ber vê yekê Desteya Tendrustiyê nexweşxane ji bo gel da vekirin lê hemû beş li nexweşxanê nehatin vekirin, tenê beşên lezgîn hatin vekirin lê di pirojeyên di sala 2023`an de beşên lênerîn, jin, zarok, beşên xwînê û beşê hadinê zarokan ku ji nû çêdibin vekirin. Pirojeya sêyemîn çeksazkirina mistosifên yê ku heyî û ji hemû aliyan wê çareser bikin, wekî peydakirina amûran û dermanan.
Pirojeya din berferhkirina beşê zarokan li nexweşxaneya gel a li bajarê Hesekê, ji ber ku hijmara nexweşan zêde dibin, ji ber vê yekê pêwîst hat dîtin ku beşê zarokan berfereh bikin. Her wiha di nav de wê beşê xwînê û hedanê wê berfereh bibin. Li nexweşxaneiya bajarê Dêrikê a şuştina gurçikan hin kêmanî tê de hebûn, di nava sala nû de wê Desteya Tendrustiyê wan kêmaniyan çareser û temam bikin. Bi giştî ev pirojeyên ku nehatine qedandin.
Nexweşxaneya bajarê Qamişlo a gel li navçeya Amûdê berî neha Desteya Tendirustiyê a bakur û rojhilatê Suriyê pê rabû, lê di dema niha de bi fermî radestî Desteya Tendirustiyê a herêma Cizîrê hat kirin, her wiha niha hatiye sekinandin, berdewamiya avakirina wê di sala 2024`an de wê were destpêkirin. Beşê din jî peydakirina dermanan ji bo mistewsif, sazî û bi taybet nexweşxaneyan.
‘Armanca me rehetiya gelê me ye’
Di heman çarçoveyê de Hevseroka Desteya Tendirustiyê ya Herêma Cizîrê Hediya Abdullah diyar kir ku ew astengiyan di milê peydakirina dermanan de dibînin û wiha li axaftina xwe zêde kir: “Astengiyên ku em têde derbas dibin peydakirina hin cureyên dermanan e, bi taybet jî di hin rewşên awarte de , hin derman hene zêdeyî derfetên desteyê ne û em bi qasî ku ji destê me tê em hewl didin dermanan ji bo gelê xwe peyda bikin. Armanca me rehetiya gelê me ye. Lê dema ku gel jî bi me re alîkarbin di vî milî de wê karê me serkeftîtir be û bîhtir bi rêk û pêk be, ji ber ku em û gelê xwe hevdû temam dikin û hêviyên me ji gelê me heye ku alîkariya me di milê paqijiyê de bikin, da ku em karibin jiyaneke bi tendirustî bijîn.”