Ronaz Silêman/Qamişlo
Dibistana Niwêla ya Hîlala Zêrîn ji bo piştgiriya kampaniya cîhanî ya azadiya Rêber Apo di bin dirûşmeya ‘Dem dema azadiya fîzîkî ya Rêber Apo’ konserta muzîkê û pêşengehek wêneyan li navenda Mihemed Şêxo ya bajarê Qamişlo li dar xist
Di çarçoveya çalakiyên piştgiriya Kampaniya cîhanî ya Rêber Apo de, dibistana Şehîd Niwêla ya Hîlala Zêrîn di bin dirûşmeya ‘Dem dema azadiya fîzîkî ya Rêber Apo’ konserta muzîkê û
pêşengeha wêneyan li navenda Mihemed Şêxo ya çand û hunerê ya bajarê Qamişlo li dar xist.
Di destpêka pêşengehê de xêrhatina hemû kesên beşdarvan û zarokan ji aliyê komîta amadekar ve hat kirin, pişt re xelat li zarokên wênesaz û muzîkjen hatin belavkirin.
Di derbarê konserta muzîk û pêşengeha wêneyan rêvebera Hîlala Zêrîn ya kantona Qamişlo û endama komîta amedekar Roken Mihemed ji rojnama me re axivî.
Roken Mihemed diyar kir ku wan bi reng û hestên zarokan konsert û pêşengek diyarî Rêber Apo kirin û wiha got: “Li ser bingeha ‘Muzîk axvêrê giyanê mirovan a bê gotin e’,herwiha hestekî ku bê gotin hest dighîne mirovan, me hin konsertê muzîkê ji nêzî 18 zarokan re li dar xist, her zarokeke bi amûr û rengê xwe tevlî konsertê bû û ev konsert jî diyarî Rêber Apo ye, di heman demê de 47 tabilo ku bi destên 8 wênesazên zarok hatine xêzkirin, me pêşkêş kir. Ev çalakî jî bi tevlîbûneke girseyî hat kirin li dar xistin, bi taybet me zarokên Şehîdan girt ji bo ku vê rojê em bi hev re kêfxweş bibin, him jî hemû zarokên hunerî ku bi hestên xwe hatine vê şahiyê beşdar bibin.
Herî dawî di çalakiyê de xatir ji beşdarvan ve hat xwestin
