Hemza Sêvo/Qamişlo
Di roja xwe ya 9’an de, Festîvala HRRK’ê ya Çand û Hunerê bi beşdarbûna gelek, helbestvan, nivîskar û rewşenbîran dewam kir. Herwiha çalakiyên hunerî yên cûr bi cûr hatin li darxisin.
Îro HRRK’ê bi armanca pêkanîna geşedana ziman û wêjeya kurdî vekirina deriyê derfetê ji bo tevlîbûna helbestvanan, festîvala Rojava ya Çand û Hunerê di roja wê ya 9’emîn de li dar xist.
Di destpêkê de hemû kesên beşdar xuleyeke rêzgirtinê li ser giyanê şehîdan rawestiyan, piştre jî nîqaşeke berfireh di derbarê ziman û arîşeyên wê de, di navbera mamoste Deham Ebdilfetah û beşdaran de hat vekirin û Ferîd Xelîl moderatoriya vê nîqaşê dikir.
Mamoste û zimanzan Deham Ebdilfetah di derbarê zimanê kurdî de wiha got: ‘Zimanê mirov keliha hebûna mirov e, ger mirov lê xwedî dernekeve û neparêze wê ev keleh hilweşe û wê mirov were qirkirin. Zimanê kurdî jî ji bo kurdan jî kelha hebûna wan e, lewma kurd giringiya zimanê xwe nas bikin û bi niyaz û vîna xwe xebat bikin. Li Başûrê Kurdistanê ji beriya 100 salan dibistanên kurdî hebûn û perwerdeya zimanê kurdî dihat dayîn. Li wir derfeta xebata zimanê kurdî dihat meşandin. Lê berî 12 salên dawî li Rojava kesê ku elfbeya kurdî di berîka wî de dihat dîtin û mijûlî xebata zimanê kurdî dibû, dihat girtin.
Herwiha nîqaş di navbera Çîroknivîs Mihemed Emîn Xelîl û Ebdilfetah de
çêbû, Xelîn pirsa xwe kir û wiha got: “Berhema SZK’ê ya Rêzmana Kurmancî hate derxistin û standard bû di minhacên perwerdeyî yê guherînek di warê rêzaman de çêbû, ev guherîn li ser şagrtan ne zehmet e?
Deham Ebdilfetah wiha bersiv da: “Rêzmana Kurmancî, weke bingehekê ye ji bo hemû qonaxên perwerdeyê. Herwiha wê ziman li gorî asta şagirtan ya her qonaxeke perwerdeyê be.
Piştre jî şevbuhêrkeke helbestê bi navê Êvara Amûda Şewatan destpê kir, helbestvan Hesen Hesen, Bêrîvan Faris, Dilyar Hebîb, Xelîl Alûcî û Pêşeroj Cewherî helbestên xwe xwendin. Naveroka helbestên helbestvanan jî li ser welat, welatperweriyê, Şoreşa Rojava, evîn, jinê, şehîdan û hwd… bû, hêjayî gotinê ye kur tevahiya helbestan bi zimanê kurdî bûn.
Herî dawî 9’emîn festîvala Rojava ya Çand û fîlmê bi navê Bloomîng în the desert_de Benedetta Argentieri yê ku li ser jinê bû jî hat pêşkêşkirin.
