Hemza Sêvo/ Qamişlo
Bi armanca pêşxistin û parastina wêje, ziman, çand û vekrinina deriyê derfetê li pêşiya geşdana helbestvan, rewşenbîr û nivîskaran wê 9’emîn fastîvala Rojava li navenda HRRK’ê ya li bajarê Qamişlo bi beşdarbûna bêtirî 165 kesan ji aliyê HRRK’ê ve were destpêkirin.
HRRK’ bi durşmeya ‘Em ê li ber serê her şehîdekî sirûdeke azadiyê biçînin’ wê li bajarê Qamişlo di 15’ê vê mehê de dest bi 9’emîn festîvala Rojava ya Çand û Hunerê bike.
Ev festîval gelek panel, çalakî û semînerên wêjeyî, çandî, hunerî, siyasî û civakî digre nava xwe. Herwiha li gorî ku endamê komîteya Amadekar Mustefa Ebdo, anî ser ziman ku îsal 165 rewşenbîr, helbestvan, nivîskar û hwd… beşdarî vê festîvalê bûne û sala derbasbû jî 150 kes bûn. Hejmara kesên ku navê xwe di vê fastîvalê de tomar dikin jî hîn berdewam e,.
Hêjayî gotinê ye ku wê festîval Rojava li ser asta Bakur û Rojhilatê Sûriyê were lidarxistin û hemû pêkhateyên vê herêmê dikarin bê şert û merc tevlî bibin.
Festîvala Rojava ya Çand û Hunerê salane tê li darxistin, îsal jî wê 14 rojan wê rojan berdewam bike. Wê roja yekem di demjimêr 11’ê sibehê de destpê bike û rojên din jî ji demjimêr 4’an heya 9’an bidome.
Bi giştî naveroka vê fefstîvalê û çalakiyên ku werin lidarxistin jî wiha ne:
Panelek li ser sedema pirbûna yekîtiyên rewşenbîrî li Rojava, paneleke din li ser guhertina demografîk ya ku li Efrînê tê meşandin û wê hin panelên din jî di derbarê mijarê cuda bên lidarxistin.
HRRK’ê rojeke taybet ji bo şanoya zarokan veqetandiye û wê zarok şanoyan pêşkêş bikin.
Herwiha wê gekek semîner bên dayîn ji wan jî semînerek li ser kurdolojî ji aliyê Faris Usman ve were dayîn, wê du semîner li ser helbestên Seydayê Cegerxwîn werin dayîn û semînerek din li ser têgihiştina siyasî ji aliyê dektor Mihemed Mustefa ve were dayîn.
Di heman demê de hejmarek ji wênesazan jî di fastîvalê de beşdar bûne û wê pêşangeheke wêneyan jî were pêşandan.
Di festîval Rojava ya Çand û Hunerê de bi 10’an çîrok, helbest û piraniya cureyên wêjeyê hatine beşdarkirin û wê ev fastîval bi şevbuhêrkên wêjeyî, vegotina helbestan û sitranên foloklorî bi rê ve biçe.
Di dawiya festîvala Rojava ya Çand û Hunerê de jî wê xelata HRRK’ê ya afrîneriyê were dayîn û nirxê wê jî hezar dolarên Amrîkî ye. Xelata ku wê were dayîn têkiliya wê bi fastîvalê û kesên beşda re tune ye. Lê ev xelateke salane ye û ji aliyê HRRK’ê ve ji bona kesên ku xebateke herî bi nirx li Rojava kirbe, wê were dayîn.
