Lîloz Hisên/Qamişlo
12’emîn Festîvala Jin ya Sakîne Cansiz di 28’Pûşperê wê li bajarê Zurîchê yê Swîsreyê bê lidarxistin.
Her sal Festîvala Jinê ya Sakîne Caznsiz di 28’Pûperê tê li dar xistin bi armanca bîranîna yek ji damezrînerên Partiya Karkerên Kurdistan (PKK) Sakîne Cansiz (Sara).
Îsal festîval wê li bajarê Zurîch ê Swîsreyê di 28’ê Pûşperê de li qada Kasernenarealê bi dirûşma “Bi Jin, Jiyan, Azadî em rêxistiniya demokratîk ava dikin” wê bê li dar xistin.
Festîval wê bi pêşengtiya Tevgera Jinên Kurd li Swîsreyê bê organîz kirin bi hevkariya hinek saziyên jinan.
Hevkarî
6 meclis, 5 komon, 5 însyatîfên girêdayî Tevgera Jina Kurd li Swîsreyê amadekariya xwe ji bo domandina beşa xebata teknîkî raghand.
Jinên li herêmê serdana mal û dikanan dikin, belavokan belav dikin û banga tevlîbûna festîvalê dikin, herwiha serlêdana partiyên siyasî, rêxistinên jinan ên li Swîsreyê û daxwaza piştgiriya festîvalê dikin.
Beşê hunerî
Hunermendên ku derkevin li ser dike wiha ne: Sasa Serap, Jala, Zerîfa Zerrîn, Gulan, Silav Rojava, Awazê Mîtra û Koma Erbanê ya ser bi Tevgera Çandê ya Mizgîn wê hunera xwe pêşkêş bikin.
Di festîvalê de koma dansê yên jinan û koma Guvendên Kurdî li Sewîsreyê wê rengeke cuda bide festîvalê, weke her sale, wekî din wê konê stranbêjên jin ên gelêrî bê vedan.
Di festîvalê de wê pêşandanên çandî bên pêşkêş kirin, wê qad û platformên taybetî zarokan bêne diyar kirin, li gel standên xwrrinê û agahiyên li ser rêxistinên jinan bêne danîn.
Festîvala Sakîne Cansiz çalakiyek e ku têkoşîna jinan pîroz dike, Sakîne Cansiz (Sara) ku sembola têkoşînê ji bo mafên jinan û azadiya siyasî bû û hîn jî wisa ye, tê lidarxistin.
Sakîne Cansiz ligel nûnera Kongreya Netewî ya Kurdistanê (KNK) Fîdan Dogan (Rojbîn) û endama Tevgera Ciwanan Leyla Şeylemez (Ronahî) di 9’ê Çileya 2013’an de li paytexta Fransa “Parîsê” hatin hedefgirtin û di encamê de gihaştin asta şehadetê.
