Birûc Resûl/Qamişlo
Îro, li navenda Mihemed Şêxo a Çand û Hunerê ya bajarê Qamişlo, Pêşangeha 9`emîn a Rojava ku bi dirûşmeya “Em Sîmayên Nasnemeya Xwe Ji Rengên Rojava Xêz Dikin” hat vekirin.
Pêşangeha 9`emîn a Rojava ku bi dirûşmeya “Em Sîmayin Nasnemeya xwe Ji Rengên Rojava Xêz Dikin” ji aliyê Desteya Çand û Hunerê ya Bakur û Rojhilatê Sûriyê û Desteya Çand û Hunerê ya kantona Cizîrê ve hatiye organîzekirin. Ji kantonên cuda 68 şêwekar beşdarî pêşangehê bûne. Tabloyên hatine pêşandan bi mijarên cur be cur in; wekî Şoreşa 19`ê Tîrmehê, pirsgirêkên civakê, zarokatî, ked, xweza û jin. Her wiha pêşengeh wê 3 roj dewam bike, ji 17`ê Hizêranê heya 19`ê Hizêranê bi dawî dibe.
Pêşengeh bi deqeyeq rêzgirtin li ser giyanên şehîdan hat rawistandin.
Piştre axaftina vekirinê ji aliyê Hevseroka Desteya Çandê ya Bakur û Rojhilatê Sûriyê Serfiraz Şerîf hat kirin di nava axaftinê xwe de bixêr hatina hemî mêvan û şêwekaran kirin û serkeftin ji bo wan xwest, di heman demê de da zanîn ku pêşengeha Rojava ya 9`emîn serkeftinên mezin yên hunerî bi xwe re ava kir ku karîbû bibe deng û nameya gel.
Di derbarê pêşangehê de endamê Komîteya Amedekar Ebdmecîd Xelef ji Rojnameya me re axivî û wiha got: “Ev
nêzî 2 meh in ku danustandinên me bi şêwekaran re heya da ku karîbin tevlî pêşengihê bibin, li ser vê esasî me 68 tabilo û şêwekar helbijartin, her wiha ev şêwekar jî ji bajarên cuda yên Bakur û Rojhilatê Sûriyê ne. Pêşengeha Rojava her sal pêşetinên cuda bi xwe re tîne û em dibînin ku çawa ciwanên me bi rehekî gerim êş û serkeftinên welatê xwe bi riya wêneyan şîrove dikin. Ev bi serê xwe serkeftinekî herî mezine. Em bi hêviya ku her sal hijmar û heycana şêwekarên me zêdetir bibe.”
