Li dijî siyaseta dorpêça girankirî ya li ser koçberên Efrînê û gelê Şehbayê, tevahiya sazî, deste, tevger û pêkhateyên herêmê meşeke girseyî li dar xistin û siyaseta dorpêçê şermezar kirin.
Zana Roj/ Şehba
Herêma Şehbayê di nava dorpêçeke
is fetisandî re ji aliyê hikumeta Şamê ve derbas dibe. Nêzî 20 roja ye gel di tarîtiyê de şeva xwe derbas dike her wiha sotemenî bi temamî hatiye qut kirin. Ev dorpêç bûye sedem ku hemû sazî û nexweşxane ji xizmetê derkevin. Zarokên biçûk û însanên temen mezin rû bi bû bi nexweşiyan re şer diki, li hember vê dorpêçê bêdengiyeke herêmî û navnetewî heye.
Îro bi sedan gelê herêmê tev saz, deste, tevger û pêkhateyan daketin qadan û siyaseta dorpêçî ya hikumeta Şamê şermezar kirin.
Meş li navçeya Ehdas li hember bendê kontrolê yê hikumeta Şamê hat li dar xistin. Di meşê de li ser nave kar û barên civakî Mistefa Hesen axivî.
`Hikumeta Şamê îradeya gel hedef digire`
Mistefa di axaftina xwe de ev dorpêç şermezar kir her diyar kir ku ev dorpêç tavahî pîvanên mirovî bin pê dike û wiha got: “Ev gel li hember tang û topên dijmin 58 rojan li ber xwe da û şerê hebûn û nebûnê da meşandin. Hikumeta Şamê jî li vir dixwaze îradeya gelê ku ji bo neperçekirina Sûriyê şer kiriye. di nava dorpêçeke bê rewa re derbas dike. ev dorpêç tavahî pîvanên mirovî bin pê dike û weke dijmin li hember vî gelî xwe dide nîşandan. Rûxmî ku ev gel li dijî perçekirina xaka Sûriyê ye”.
Her wiha Mistefa banga Hikumeta Şamê kir ku vê dorpêçê bi dawî bike û wiha bi dawî kir: “Ev gel di encama berxwedaniyeke dîrokî de gihîşt vê astê. Ji bo ûparastina vî gelî û vê xakî xwîna bi hezaran ji ciwanên vî welatî hat dayîn. Hikumeta Şamê êdî divê vê dorpêçê bi dawî bike. ji ber di saya vê yekê de êdî jiyana însanan dikeve xeteriyê de”.
